Moderen sine jenter/kvinner, 2010

Nyttårsafta. Det er naturlegvis tid for å sjå framover snart, men det er samtidig tid for å sjå bakover.

Framtida kjem etter kvart.

Jentene/kvinnene til Gneist har naturlegvis også markert seg i BFG-statistikken i 2010. Igjen er det slik at lista nedanfor inneheld namn på utøvarar som har si naturlege tilhøyrsle i Gneist i dag. BFG-statistikken inneheld for all del namn på eldre utøvarar som i all hovudsak har sprunge ut sine barnepiggsko i Gneist.

Og: Det er Gneist-utøvarar i alderen 15-19 som også er å finna i BFG-statistikken. Det finst jo fleire yngre utøvarar som med sine prestasjonar hadde markert seg på desse listene...

Plasseringane er den relative plasseringa i BFG-statistikken, samanlikna med utøvarar med tilhøyrsle i dei andre moderklubbane og senior-/veteranutøvarar i BFG.

1: Vilde Omholt, 1500mh (6:12,28)
1: Marianne Benserud, høgde (1,40)
1: Marianne Benserud, stav (3,25)
2: Vilde Omholt, 2000m (7:22,42)
2: Tina Therese Jenssen, stav (2,71)
2: Marianne Benserud, tresteg 9,87)
3: Marianne Benserud, lengde (5,16)
3: Tina Therese Jenssen, tresteg (9,66)
4: Hedda Magnerud, 200m (64,91)
4: Synne Våge Opheim, stav (1,80)
4: Tina Therese Jenssen, lengde (4,84)
5: Hedda Magnerud, 60m (8,53)
5: Vilde Omholt, 1500m (5:33,16)
5: Vilde Omholt, lengde (4,17)
7: Marianne Benserud, 60m (8,69)
8: Tina Therese Jenssen, 60m (8,92)
9: Marianne Benserud, 100m (13,49)
10: Hedda Magnerud, 100m (13,82)
10: Marianne Benserud, 200m (28,08)
11: Tina Therese Jenssen, 100m (14,22)
11: Hedda Magnerud, 200m (28,25)
12: Stine Therese Hovland, 200m (29,74)

Heile BFG-statistikken finst her:

BFG-statistikken

Takk for det gamle!

Ei moder går med paraply - gutar/menn, 2010

Paraplyklubben heiter FIK BFG Fana, moderklubbane Bjarg, Fana og Gneist. (Det er ein slags smør på flesk her, slik ein til dømes i si tid sa "LP-plate": langspelplate-plate. "BFG" står altså for Bjarg, Fana, Gneist. Skriv ein ut namnet blir det dermed slik: "Friidrettsklubben Bjarg, Fana, Gneist Fana". Jo da.)

Moderklubbane er såleis friidrettsavdelingane til idrettslaga IL Bjarg, Fana IL og IL Gneist.

I alderen 15-19 år soknar utøvarane for fleire formål - til dømes statistikken - til to klubbar, moderklubben og BFG.

I denne omgang skal me sjå på korleis gutane/mennene som i dag har naturleg tilhøyrsle i Gneist har markert seg i BFG-statistikken i 2010.

(Ein vil også oppdaga fire namn på lista nedanfor som ikkje er i alderen 15-19 år, men - som trenar og styremedlemmer - må seiast å ha naturleg tilhøyrsle i Gneist.)

Oversikten er ordna etter plasseringar i BFG-statistikken, så føl utøvarnamn, øving og resultat deretter. Plasseringane er altså reint interne i BFG-statistikken, i samanlikning med dei andre utøvarane i BFG-systemet.

1: Andreas Iden, 2000m (5:50,50)
1: Jørgen Jensen Axelsen, 3000m (8:51,21)
1: Andreas Iden, 5000m (16:10,84)
1: Jostein Lie, diskos (24,87)
2: Andreas Iden, 800m (2:04,47)
2: Jørgen Jensen Axelsen, 1500m (4:10,06)
2: Andreas Iden, 3000m (9:06,59)
2: Jørgen Jensen Axelsen, 5000m (16:10,96)
2: Trond Leikvoll, kule (8,67)
3: Ole Martin Røssland, 600m (1:38,61)
3: Andreas Iden, 1500m (4:11,55)
3: Ole Martin Røssland, 2000m (6:01,35)
3: Ole Martin Røssland, 3000m (9: 23,94)
3: Ole Martin Røssland, 5000m (16:14,02)
4: Anders Bjørndal, 60m (8,67)
4: Anders Bjørndal, 600m (1:43,36)
4: Ole Martin Røssland, 1500m (4:26,09)
4: Johannes Holm Gjeraker, lengde (5,12)
5: Johannes Holm Gjeraker, 100m (12,52)
5: Petter Hilton, 400m (55,80)
5: Jørgen Jensen Axelsen, 800m (2:06,54)
5: Anders Bjørndal, lengde (4,31)
6: Geir Sjursen, 100m (12,58)
6: Didrik Mikkelsen, 400m (56,04)
6: Anders Bjørndal, 2000m (6:33,99)
6: Jostein Lie, lengde (4,13)
7: Johannes Holm Gjeraker, 200m (25,13)
7: Espen Holm, 400m (57,55)
7: Didrik Mikkelsen, 800m (2:07,84)
8: Espen Holm, 200m (25,22)
9: Eirik Haugen Lillefosse, 100m (13,00)
9: Andreas Iden, 200m (26,20)
9: Ole Martin Røssland, 800m (2:11,67)
9: Jostein Lie, 5000m (20:17,51)
10: Eirik Haugen Lillefosse, 200m (26,25)
10: Anders Bjørndal, 1500m (4:54,36)
10: Lars Arve Røssland, 5000m (20:25,71)
11: Lars Arve Røssland, 3000m (12:01,09)
12: Anders Bjørndal, 100m (13,91)
12: Anders Bjørndal, 800m (2:24,75)
13: Jostein Lie, 100m (14,16)
14: Trond Leikvoll, 100m (14,24)
16: Anders Bjørndal, 200m (28,36)
17: Ole Martin Røssland, 200m (29,38)

Jentene sitt 1. lag: Best

Jentene sitt 1. lag gjekk altså heilt til topps i Elitedivisjonen i Hordaland i 2010. Det har ikkje akkurat vore sju magre år, men det er i alle fall sju år sidan sist - i 2003 - at Gneist-jentene var heilt øvst i dette seriesystemet.

Sigeren vart temmeleg knepen, mindre enn 200 poeng framfor Laksevåg. Norna-Salhus kom på 3. og var heller ikkje svært langt bak.

I jentene sin Elitedivisjon er det følgjande som ligg til grunn for serieresultata:

* Til saman 50 noteringar
* 20 løp
* 5 hekk
* 15 hopp
* 10 kast

Og desse jentene plukka poeng for 1. laget i 2010:

- Marianne Benserud
- Monika Benserud
- Vilde Lund Bjørnsen
- Sanne L. Christensen
- Sunniva Eikestad
- Anna Evensen
- Kaja M. Gundersen
- Cathrine Harris
- Charlotte Harris
- Renate Lie
- Maren Haugen Lillefosse
- Anna Serine Røssland
- Susanne H. Sunde
- Nora Ø. Aarvik

Gutane sitt 1. lag: nest best i Hordaland

Gutane sitt 1. lag tok altså eit nytt steg i 2010, opp frå 3. plass til 2. plass i Elitedivisjonen - bak IL Norna-Salhus sitt 1. lag - tett bak!

Og i 2011 er både 1. laget og 2. laget i Elitedivisjonen.

Det er ikkje å overdriva at éin utøvar spesielt var særs viktig for at gutelaget heva seg eit nytt hakk i 2010. I løp og hopp har resultata vore særs gode også tidlegare, medan Gneist svært lenge har vore eit stykke bak i kast. Men i år kom 10-åringen Gjert Høie Sjursen til med ei rekkje gode kastresultat, der dei tre beste gav over 1000 poeng på Tyrvingtabellen (diskos, kule og slegge).

I Elitedivisjonen for gutar er det følgjande som gjeld:

* (så mykje som:) 60 noteringar totalt
* 24 løp
* 6 hekk
* 18 hopp
* 12 kast

Følgjande gutar plukka poeng for 1. laget i 2010:

- Jørgen Jensen Axelsen
- Espen Bjørndal
- Mats Bjørndal
- Kristoffer Blücher
- Henrik B. Ettrup
- Henrik Gravdal
- Emil Engelsen Holm
- Herman Hovland
- Andreas Iden
- Aleksander Lie
- Stian Norheim
- Håvard Opheim
- Sondre Rinde
- Ole Martin Røssland
- Amund Høie Sjursen
- Gjert Høie Sjursen
- Ruben Solsvik
- Casper Stenersen
- Stian Ø. Aarvik

Jentene sitt 2. lag: nr. 2 i 1. divisjon

Det er kaldt, iskaldt. La oss varma oss på gode friidrettsresultat frå året som snart er slutt:

Gutane rykte altså opp med sitt 2. lag til Elitedivisjonen. Jentene sitt 2. lag var ikkje noko dårlegare og gjorde akkurat det same - året etter at 2. laget vann 2. divisjon og rykte opp derifrå. Opprykk på opprykk nesten over heile linja altså.

I jentene sin 1. divisjon var det rettnok langt opp til vinnaren, Bergens Turnforening, men på den andre sida var det Turnforeningen sitt 1. lag det her galdt.

I 1. divisjon for jenter er det følgjande som gjeld:

* 40 noteringar
* 15 løp
* 3 hekk
* 12 hopp
* 10 kast

Desse jentene plukka poeng for 2. laget i 2010:

- Marianne Benserud
- Monika Benserud
- Sanne L. Christensen
- Anna Evensen
- Martine Flesland
- Susanne Foldnes
- Kristin Frisvold
- Cathrine Harris
- Charlotte Harris
- Maria Jensen
- Tina Therese Jenssen
- Renate Lie
- Maren Haugen Lillefosse
- Hedda Magnerud
- Anita Norheim
- Vilde Omholt
- Anna Serine Røssland
- Silje Stenersen
- Nora Ø. Aarvik

Gutane sitt 2. lag: nr. 2 i 1. divisjon

I serien av opprykk: Gutane sitt 2. lag rykte opp frå 2. divisjon til 1. divisjon i 2009 og rykker altså vidare opp frå 1. divisjon til Elitedivisjonen etter 2. plass i 1. divisjon i 2010. Ein var også nærare 1. plassen til Bergens Turnforening sitt 1. lag enn ein var 3. plassen til Osterøy sitt 2. lag.

I 1. divisjon for gutar gjeld følgjande:

* 50 noteringar totalt.
* 20 løp
* 5 hekk
* 15 hopp
* 10 kast

Følgjande gutar plukka poeng for 2. laget i 2010:

- Kasper R. Andersen
- Erlend Biskopshavn
- Anders Bjørndal
- Espen Bjørndal
- Kristoffer Blücher
- Thomas Blücher
- Henrik B. Ettrup
- Johannes Holm Gjeraker
- Henrik Gravdal
- Emil Engelsen Holm
- Eirik Leikvoll
- Magnus Leikvoll
- Aleksander Lie
- Stian Norheim
- Håvard Opheim
- Sondre Rinde
- Andre J. Ryland
- Ole Martin Røssland
- Amund Høie Sjursen
- Gjert Høie Sjursen
- Ruben Solsvik
- Casper Stenersen
- Stian Ø. Aarvik

Jentene sitt 3. lag : nr. 3 i 2. divisjon

Framleis god jul!

Gneist-jentene sitt 3. lag tok 3. plass i 2. divisjon i 2010. 3. laget rykte opp frå 3. divisjon (vann denne) i 2009 og var ikkje langt frå nytt opprykk i år.

I jentene sin 2. divisjon er det følgjande som gjeld:

* 30 noteringar
* 12 løp
* 2 hekk
* 10 hopp
* 6 kast

Følgjande jenter plukka poeng for 3. laget i 2010:

- Maria Tyssebotn Berg
- Sanne L. Christensen
- Amelia Ekren
- Anna Evensen
- Susanne Foldnes
- Kristin Frisvold
- Cathrine Harris
- Stine Therese Hovland
- Tina Therese Jenssen
- Maren H. Lillefosse
- Hedda Magnerud
- Anita Norheim
- Silje Stenersen
- Susanne H. Sunde
- Nora Ø. Aarvik

Gutane sitt 3. lag: nr. 1 i 2. divisjon

Gutane sitt 3. lag rykte opp frå 3. divisjon til 2. divisjon i fjor (2. plass i 3. divisjon). I år rykker altså 3. laget opp eit nytt hakk, til 1. divisjon i 2011. Sterke saker.

I gutane sin 2. divisjon er det følgjande som gjeld:

* 40 noteringar totalt
* 15 løp
* 3 hekk
* 12 hopp
* 10 kast

Seieren i 2. divisjon var også relativt klar, framfor min barndoms klubb, IL Trio. Trio presterte opprykk og 2. plass med berre seks utøvarar, det er utvilsamt godt gjort.

Det var nokre fleire som plukka poeng for Gneist sitt 3. lag i 2010:

- Kasper R. Andersen
- Jørgen Jensen Axelsen
- Erlend Biskopshavn
- Mats Bjørndal
- Thomas Blücher
- Henrik Gravdal
- Sander Haugland
- Håkon Helle
- Petter Hilton
- Emil Engelsen Holm
- Espen Engelsen Holm
- Herman Hovland
- Andreas Iden
- Torbjørn Knag
- Eirik Leikvoll
- Aleksander Lie
- Eirik Haugen Lillefosse
- Johannes Møllerup
- Håkon Ness
- Stian Norheim
- Håvard Opheim
- Andre J. Ryland
- Amund Høie Sjursen
- Gjert Høie Sjursen
- Casper Stenersen
- Gabriel Sætre
- Stian Ø. Aarvik

Julegåve frå kommunen

Byrådet har teke på spanderbuksene og løyvd 18.000 kroner til friidrettsgruppa i Gneist!

I saksutgreiinga heiter det følgjande:

"Idrettslaget Gneist har til sammen 18 kretsmestere i årets kretsmesterskap i friidrett.

Byrådsleder ønsker å honorere idrettslagets gode resultater med en ekstraordinær gave på kr. 1.000,- pr KM-vinner. Til denne gaven vil byrådsleder foreslå bruk av byrådets tilleggsbevilgningskonto."

Glitrande!

BA-oppslag om løyvinga

Jentene sitt 4. lag: nr. 4 i 3. divisjon

Jentene sitt 4. lag rykte opp frå 4. divisjon til 3. divisjon i fjor. Det er såleis ein sterk prestasjon når 4. laget er heilt oppe på 4. plass og ikkje veldig langt unna nytt opprykk.

I 3. divisjon for jenter er det dette utgangspunktet som gjeld:

* 25 noteringar til saman
* 12 løp/hekk
* 8 hopp
* 5 kast

Desse jentene plukka poeng for 4. laget i 2010:

- Mariane Benserud
- Monika Benserud
- Maria Tyssebotn Berg
- Sanne L. Christensen
- Sunniva Eikestad
- Susanne Foldnes
- Kristin Frisvold
- Kaja M. Gundersen
- Cathrine Harris
- Charlotte Harris
- Tina Therese Jenssen
- Elisabeth Nicolaysen
- Anita Norheim
- Vilde Omholt
- Silje Stenersen

Gutane sitt 4. lag: nr. 1 i 4. divisjon

Kva er denne lagserien, sånn eigentleg?

Enkelt sagt: ein set saman, etter førehandsbestemte reglar, dei beste resultata frå klubbane i kretsen og ser kva for ein klubb som har fått flest poeng. Poenggrunnlaget er nyaste tyrvingtabell.

Seriesystemet er inndelt i seks divisjonar: ein elitedivisjon og fem divisjonar under der.

Gneist har fire jentelag og fire gutelag påmeldt i serien.

Ein utøvar kan plukka poeng for fleire lag.

Ein utøvar kan berre ha eitt resultat frå kvar øving med i serien (sjølv om ein skulle ha ti gode stavhopp, vil berre det beste telja), men elles ha med besteresultatet sitt i så mange øvingar som muleg.

Det er ingen samanheng mellom kva for lag ein har plukka poeng for i ein sesong og kva for lag ein plukkar poeng for i neste!

Dette skal takast sakte og roleg, så her kjem først 4. laget til gutane. Det laget vann altså sin divisjon, 4. divisjon, og 4. laget til Gneist skal såleis delta i 3. divisjon i 2011.

I gutane sin 4. divisjon er reglane slik:

* til saman 25 noteringar
* 11 i løp/hekk
* 8 hopp
* 6 kast


Desse utøvarane plukka poeng for 4. laget i 2010:

- Espen Bjørndal
- Mats Bjørndal
- Kristoffer Blücher
- Thomas Blücher
- Henrik Gravdal
- Håkon Helle
- Emil Engelsen Holm
- Herman Hovland
- Magnus Leikvoll
- Aleksander Lie
- Eirik Haugen Lillefosse
- Didrik Mikkelsen
- Håvard Våge Opheim
- Amund Høie Sjursen
- Casper Stenersen
- Stian Ø. Aarvik

Fantastisk lagsesong

Lagserie-resultata blei lagt ut av Hordaland Friidrettskrets søndag ettermiddag og Gneist har gjort ein fantastisk lagsesong!

Jentelaget vann serien - Eliten - for første gong sidan 2003.

I 2011 vil til overmål jentene ha to elitelag, sidan 2. laget rykka opp med 2. plass i 1. divisjon.

3. laget blei nr. 3 i 2. divisjon og blir verande der.

4. laget blei nr. 4 i 4. divisjon og held statusen i den divisjonen.

Gutane inntar også ein strålande posisjon, med 2. plass, tett bak Norna-Salhus.

Også her blir det to elitelag i 2011, ettersom 2. laget tok 2. plass i 1. divisjon og rykka opp. For gutane blei det opprykk også vidare: I 2011 er 3. laget i 1. divisjon etter opprykk frå andre i år. 4. laget er med i 3. divisjon etter seier i årets 4. divisjon.

Lagserie-statistikk, Hordaland, 2010

Milslukarane

I gamle dagar sprang me til og med 60 meter på 17. mai, stivpynta og med 17. mai-sløyfene hengande for harde livet i sprintvinden og dei fine finskoa gråe og gjørmete. Seinare også kjenner eg at 60-metrane har forfølgt meg.

Det er ingen løyndom at eg har sans for milslukarane (i staden). 10km-statistikken frå Løpskarusellen innehar langt færre Gneist-ungdommar (eller Gneist-veterananar, for den del). Det er sikkert naturleg nok. Men det i seg sjølv er jo ingen grunn til å ikkje trekka fram i lyset dei som finst der - slett ikkje!

For menn sniker Stian Norheim seg med på årets liste. Så langt er han på 52. plass, med den habile tida 41:43. Og Stian har nok ikkje sprunge sin siste 10km for vinteren heller.

For kvinner er det også berre éi inne på lista over dei aller beste mil-løparane i vinter. Til gjengjeld er det nykomaren vår, 13 år gamle Ingrid Næss Johansen, som er heilt oppe med 6. beste tid så langt mellom alle kvinner, med framifrå 43:11.

Imponerande start på karusellvinteren

Alt var betre før - heiter det gjerne. Vel, her må me nyansera: medan nettsidene til BFG Fana og Løpskarusellen i alle fall hadde sider ved seg som definitivt var betre før (ikkje minst for statistikk-interesserte!), så blir både breidde og topp for Gneist sine langløparar berre betre og betre.

Etter måten unge utøvarar er med og pregar listene over dei beste tidene for menn og kvinner.

Seks Gneist-gutar har sprunge fortare enn 19.30 på 5km så langt i år og plasserer seg slik på "vinterens raskaste"-liste (lista opererer ikkje med fleire tider pr. utøvar, berre bestetida):

9. Ole Martin Røssland         17:33
11. Aleksander Lie               17:38
17. Casper Stenersen           18:12
26. Jørgen J. Axelsen           18:48
28. Stian Ø. Aarvik               18:53
45. Stian Norheim                19:28

Fire jenter markerer seg på listene - og dei er gjennomgåande yngre og lengre oppe på lista:

6. Ingrid Næss Johansen      20:31
8. Renate Lie                       20:41
14. Anna Serine Røssland     21.50
22. Silje Stenersen               22:41

10km følgjer...

Hopp i det

Først av alt må me i dag gratulera Gneist - og kvarandre - med 65-årsdagen!...

Eg held meg mest i Walterhallen på Laksevåg i desse vinterlege tider, men 8. januar 2011 inviterer Laksevåg Turn og idrettslag til KM i hopp utan tilløp i Laksevåghallen, like ved sidan av.

Hopp utan tilløp har ein svært kort sesong, KM og Gneist sitt eige tradisjonsrike stemne på Ytrebygda skole er stort sett heile sesongen av den typen for mange.

Men poenga frå hopp utan tilløp er faktisk svært viktige for lagserien - der tel innandørsresultat like mykje som utandørs, sjølv om dei er færre i talet.

I 2010 var to av hoppresultata til Elitelaget for jenter frå høvesvis høgde utan tilløp (Marianne Benserud sitt hopp på 1,38) og lengde utan tilløp (Vilde Lund Bjørnsen 2,52).

For gutane var det heile sju hopp utan tilløp inne på Elitelaget si hoppliste: to av dei frå KM og så mange som fem resultat frå stemnet på Ytrebygda skole! (Høgde: Emil Engelsen Holm 1,15, Espen Holm 1,41, Gjert Høie Sjursen 0,85 og Amund Høie Sjursen 1,20. Lengde: Kasper R. Andersen 1,73, Espen Bjørndal 1,73 og Ruben Solsvik 1,71)

Også for dei andre laga finst det fleire solide hopp, heilt utan fart!

Pigg på

Eg har sprunge to treningsturar i helga.

Det er naturlegvis ikkje spesielt i seg sjølv, men det var mine to første turar med pigga sko. Eg spanderte 300 kroner på Löplabbet for å få piggar på mine to år gamle Kayano-sko. Under lørdagsturen var det i mildaste laget for å få skikkeleg testing, men søndagskvelden (medan Sverige slo Norge i handball) var det tilnærma perfekt: godt med issvullar og ei tynn ishinne mange stader. Samtidig kom det eit tynt, tynt slør med snø som gjorde det uklart kor det glatte tok til og kor det slutta. Skoa takla dette heilt fint. Men eg erfarte også, over dei to turane, at isen ikkje går vekk sjølv om ein får betre fottøy... Det kan vera lurt å bruka dei pigga skoa til (lang-)turar med jamn fart, ikkje til intervallar med akselerasjonar.

Kor vidt dette er ei god investering eller ei, er det berre vergudane som kan svara på, men det ser jo ut som om idrettsfolkets miljøaksjon "Hvit vinter" ber frukter - for andre året på rad.

Her er BT sin artikkel om Löplabbet si pigging av joggesko:

Pigge-artikkel i BT

"Superklubben i Bergen sør"

Det er desember og ventetid. Medan me ventar på offisiell melding om årets lagserie kan me kikka på ei anna utvikling og rangering klubbane imellom i Hordaland. Det er utviklinga for medaljestatistikken i KM 11-14 år 2008-2010.

Stein Fossen skal også ha uttalt om IL Gneist at det er "superklubben i Bergen sør". Medaljestatistikken frå KM 11-14 år fortel at Gneist i så fall blei superklubben under sitt eige KM-arrangement i august 2009 og trygga stillinga under KM på Voss i år. For under KM på Osterøy i 2008 var det andre klubbar som trona øvst:

1. IL Norna-Salhus       22 gulll         16 sølv       7 bronse
2. Laksevåg TIL           22 gull          14 sølv     15 bronse
3. IL Fri                      16 gull          11 sølv     12 bronse
4. IL Gneist                13 gull         14 sølv    10 bronse
5. Osterøy IL               12 gull            7 sølv     11 bronse
6. Fana IL                    6 gull           13 sølv        5 bronse

Ein del mindre klubbar har gylne årgangar og kan gjera det bra enkeltår eller enkeltperiodar. Større klubbar bør kunna markera seg heilt øvst år etter år. Gneist og Norna-Salhus er døme på slike klubbar. Både IL Fri og Osterøy IL låg spesielt høgt i 2008, Osterøy har jo sin sterke 1994-årgang, som var med i KM 11-14 siste gongen på heimebane i 2008.

Etter KM på "heimebane" på Fana stadion i 2009 var medaljestatistikken øvst slik:

1. IL Gneist               30 gull          26 sølv     22 bronse
2. IL Norna-Salhus      26 gull           24 sølv      18 bronse
3. Laksevåg TIL          11 gull           10 sølv        6 bronse
4. Fana IL                    7 gull             7 sølv        7 bronse
5. Os Turn                   6 gull             4 sølv         8 bronse
6. Ulvik IL                    4 gull             1 sølv         1 bronse

Gneist suste opp som beste klubb i 2009, godt føre Norna-Salhus. Dei to var igjen altså i ein (elite-)klasse for seg. Fana var på det jamne, medan Fri og Osterøy blei erstatta av Os og Ulvik, som har sterke enkeltutøvarar som markerer seg.

KM på Voss i 2010 hadde klart mindre deltaking enn arrangementa både på Osterøy i 2008 og på Fana stadion i 2009. Ein del øvingar fekk ikkje ein gong tre medaljevinnarar, men i staden berre ein eller to. På toppen av lista er framleis dei to store klubbane, frå sør i byen og frå nord i  byen, men i 2010 er Gneist sin dominans på lista blitt mykje større:

1. IL Gneist               32gull          25 sølv     16 bronse
2. IL Norna-Salhus      18 gull          16 sølv        7 bronse
3. Fana IL                    7 gull             8 sølv      11 bronse
4. Os Turn                    7 gull                             1 bronse
5. Laksevåg TIL            6 gull            6 sølv         6 bronse
6. FIL Frisk                  5 gull            2 sølv         1 bronse

Det gjenstår framleis å sjå om KM 11-14 "kjem heim" til Gneist og Fana stadion i 2011, men det er all grunn til å tru på at Gneist held stand i toppen av denne statistikken. Ein sterk 96-årgang forsvinn ut (og over til nye utfordringar, til dømes i Stor-KM), men blir erstatta av mange flinke utøvarar fødde i 2000, i andre enden.

Kretskamp

I mange år har det vore tradisjon med kretskamp for 13- og 14- åringane mellom Sogn og Fjordane, Møre og Romsdal og Hordaland. Den har gått føre seg i Byrkjelo i Gloppen, Nordfjord - stort sett siste helga i juni, men i 2009 gjekk arrangementet første helga i juli. Kretskampen har vore lagt inn i "Sparebankleikane", med øvingar for også andre aldersgrupper enn dei som inngår i kretskampen.

I 2010 blei så arrangementet avlyst. Grunnen var eit svært langvarig arbeid med nytt dekke på stadion i Byrkjelo fram mot Hovudmeisterskapet (NM) 12. - 14. august 2011. Ei rekkje arrangement vart først utsette, så avlyst, i Byrkjelo i år. No viser det seg at anlegget i Byrkjelo enno ikkje er heilt ferdig. Dekket i delar av eine svingen må takast opp igjen. Arbeidet er lova ferdig i mai og i Sogn og Fjordane planlegg ein fram mot ny kretskamp, der i alle fall Møre og Romsdal møter "heimelaget" og der dei håpar på at også Hordaland dukkar opp att.

Ikkje minst for 13-åringane er deltakinga i Byrkjelo ei svært fin oppvarming - både sportsleg og sosialt - før NCC-leikane på hausten. I 2009 kolliderte kretskampen både med Hardanger Friidrettsfestival i vene Strandebarm og - kanskje meir aktuelt for ein del? - Världsungdomsspelen i Göteborg. I 2011 ser det førebels ut til at kollisjonen "berre" blir med Strandebarm, første helga i juli. Så får me sjå kor vidt banen endeleg blir klar der oppe i Nordfjord og kor vidt Hordaland melder på kretslag.

Ny stafettæra

Det må vera ein del år sidan IL Gneist stilte med lag under UM/NM i banestafettar. I så måte bør det vera ein ny æra som blir innleia under meisterskapen i Drammen 28. og 29. mai 2011. Andre stafettar må få stilla litt i skuggen, enten om det er på Espeland, Askøy eller i strøket rundt Bislett - det er noko eige med banestafettar for utøvarar som først og fremst konkurrerer på nettopp bane.

Fleire av utøvarane har alt i fleire år hatt som uttalt mål å springa saman i banestafett-meisterskapet, først i UM (for Gneist) og seinare kan henda i NM-samanheng (i BFG-drakt). Det gjeld ikkje minst dei gutane som har sett fram mot deltaking på eit 4 x 600m-lag. Det blir spennande å følgja med fram til det nærmar seg meisterskapet i Drammen, men det kjem ikkje som noko bombe dersom det endeleg blir stafettdeltaking igjen denne gongen. Og: rekrutteringa ser trygg og god ut også for deltaking dei komande åra.

I 2010 (i Steinkjer) var det sju lag som deltok på 4 x 100m for 15- og 16- åringar.

På 4 x 600m i same årsklasse var det seks lag med. Osterøy IL vann UM-gullet på 6:04,75 (eit snitt på godt og vel 1:31 på kvar løpar), medan bronsen blei vunnen på 6:09,04 (1:32).

På 4 x 100m for jentene på 15 og 16 år blei Laksevåg UM-vinnar i 2010 på 50,33.

For inspirasjon ligg framleis web-sendingane frå 2010-meisterskapen i Steinkjer ute her:

Video, stafett-NM 2010

Ein ny jentegenerasjon tar over

Jada, det er mange flinke friidrettsgutar på gang, men rekord-statistikken fortel heilt tydeleg at dagens aktive jenter i Gneist er i ferd med å markera seg også i historiebøkene. Dei tre første på lista over jenter med flest klubbrekordar har sine beste prestasjonar nokre år tilbake. Her er ei Liland, ei parentes-Liland og så ei av dagens trenarar; Kjersti Ristesund (i dag: Kjersti Bjørndal).

(Parentes bemerka: Når Bente Lervik (Liland) her er omtalt som "parentes-Liland", så er det fordi ho står slik i klubbrekord-statistikken. Denne måten å omtala henne på kom inn i statistikken før mi tid. På liknande vis er Mary-Ann Nordeide (Hårklau) omtalt. Prinsipielt må det vera slik at ein står med det namnet ein faktisk har når rekorden blir sett (tildvarande Kjersti Ristesund, som heiter dette i statistikken og ikkje Kjersti Ristesund (Bjørndal). Parentes slutt. No ja.)

Her er så oversikten over dei ti jentene med flest klubbrekordar:

1. Bente Lervik (Liland)     29 rekordar
2. Benedikte Liland              25 rekordar
3. Kjersti Ristesund             22 rekordar
4. Renate Lie                      20 rekordar
5. Vilde Lund Bjørnsen         17 rekordar
6. Monika Benserud            15 rekordar
7. Torunn Sandvoll              12 rekordar
8. Mary-Ann Nordeide (Hårklau) 11 rekordar
9. Kathrine Sandvik              9 rekordar
10. Anne-Beth Espetvedt      8 rekordar

Her ser den observante at det altså finst tre av dagens aktive høgt oppe på lista. Høgast av desse igjen er Renate Lie, som har samla sine 20 klubbrekordar på berre to sesongar; som 11- åring og som 12-åring!

Her er lista over dei med flest klubbrekordar av dagens aktive:

1. Renate Lie                 20 rekordar
2. Vilde Lund Bjørnsen     17 rekordar
3. Monika Benserud         15 rekordar
4. Marianne Benserud        7 rekordar
5. Cathrine Harris              4 rekordar
6. Anita Norheim               3 rekordar
6. Maren H. Lillefosse       3 rekordar
8. Anna Serine Røssland   2 rekordar
8. Vilde Omholt                2 rekordar
10. Tina Therese Jenssen  1 rekord

Dekketrøbbel på Nadderud

Asker og Bærums Budstikke fortalde mandag at Friidrettsforbundet meiner at dekket på Nadderud stadion, lagt siste gong sommaren 2009, ikkje er godt nok konstruert. Forbundet rår til å riva opp dekket, sjekka om asfalten under dekket er av god nok kvalitet og så legga nytt dekke deretter.

Eigaren av banen, Bærum kommune, skal no i dialog med leverandøren av dekket. Medan Forbundet vil ha heilt nytt dekke, meiner kommunen det må halda å reparera asfalt og dekke utsette stader.

Tidsplan for arbeidet blir klar først når kommune og leverandøren, Polytan, er blitt samde.

... Og Tyrvinglekene er terminfesta til 17. - 19. juni 2011...

Rekord-rekorden

I klubbrekord-oversikten til IL Gneist finst det rekordar for det meste. Nokre rekordar vil stå til evig tid, til dømes dei som gjeld spyd med "gammalt spyd". Ingen kan slå rekorden med gammalt spyd i dag, naturlegvis. Slik er det no berre. Så har det skjedd tallause endringar med hekkehøgder og -avstandar i ulike aldersklassar. Her er det faktisk slik at ventar ein lenge nok så kan ei hekkehøgd koma tilbake, så her er i og for seg ingen gamle rekordhaldarar "trygge".

Men når alt dette er nemnt, så står rekordoversikten der som den er. Nokre utøvarar er spesialistar og spring til dømes berre langt eller berre hoppar. Andre prøver alt. Under grautfesten sist fredag fekk utøvarane diplomar for deltakinga i 2010. Aleksander Lie hadde den uoffisielle årsrekorden i talet på kor mange ulilke utøvingar han var med i: 21!

Slikt mangfald kan ein også finna igjen som bakgrunn for kven som har flest klubbrekordar. Topp ti-lista for gutar ser slik ut:

1. Marius Benserud  32 rekordar
2. Roar Haugland        29 rekordar
3. Steffen Nerdal         23 rekordar
4. Sigve Stenersen      22 rekordar
5. Morten Benserud    20 rekordar
6. Rodgeir Vigestad    17 rekordar
7. Torstein Ryland      14 rekordar
7. Kjetil Espetvedt      14 rekordar
9. Espen Liland          13 rekordar
10. Aleksander Lie     11 rekordar

Sistemann på lista er altså aktiv utøvar i dag. Dersom me lagar ei topp ti-liste for framleis aktive - og såleis aspirantar til å hevda seg på lista ovanfor - så ser den slik ut:

1. Aleksander Lie    11 rekordar
2. Sondre Rinde         9 rekordar
3. Amund Sjursen      8 rekordar
3. Andreas Iden         8 rekordar
5. Henrik Gravdal       5 rekordar
6. Casper Stenersen  4 rekordar
7. Eirik Leikvoll          2 rekordar
7. Kristoffer Blücher   2 rekordar
7. Stian Norheim       2 rekordar
7. Jørgen J. Axelsen  2 rekordar

 Av mange poeng ein kan henta frå desse listene finst ein begynnande "duell" mellom far og son Stenersen. 22-4 pr i dag, men det styrkeforholdet kjem nok til å endra seg med åra...

... Eg kjem tilbake til jentene...

Veterankonkurransen - for menn...

I 2009 blei "Veterankonkurransen" lansert som eit omgrep og, vona ein, etter kvart som eit fenomen i IL Gneist. Tanken var å få foreldregruppa i siget også på banen, til oppbygging av sosialt samhald og kanskje også litt lått og løye - for ungdommane.

No har vel merksemda vore so som so, det same kan seiast om heideren og æra for dei stolte vinnarane. I 2009 var det heile ti deltakarar til slutt på lista. Det var jo bra, sjølv om nokre av dei berre hadde nokre få øvingar (tre hadde éi øving kvar).

Arne Lillefosse blei vinnaren i 2009, med solide 2335 poeng etter veterantabellen, fordelt på fem øvingar (60m, 200m, spyd, 100m og høgde).

Trond Leikvoll blei andremann, med 1982 poeng, fordelt på heile sju øvingar (60m, kule, diskos, 200m, spyd, stav og høgde)

Geir Sjursen blei bronsevinnar, med 1977 poeng, fattige fem poeng bak toaren. Her var det kvalitet, for poenga kom på berre tre øvingar: lengde utan tilløp, høgde utan tilløp og 100m. Både lengde utan tilløp og 100m blei belønna med 693 poeng, den høgste enkeltsummen i 2009.

Konkurransen for 2010 blir ikkje offisielt avslutta før 31. desember, når utesesongen heilt formelt er over. Eg minnar om utandørs stemne på Oppgård 29. desember...Men både talet på utøvarar og talet på øvingar har gått merkbart ned frå 2009. Her må me ta oss sjølve i nakken - og: me må få med oss kvinnene/mammaene! Ikkje eitt einaste resultat frå spinnesida i konkurransen så langt. Her må det vera eit klart mål at det første kjem i 2011-sesongen.

Leikvoll-ar mot nye høgder

Jamt og trutt har brørne Leikvoll trent i stavsprang-gropa. Og no kjem framgangen som monnar. Magnus Leikvoll (G15) har i løpet av eit par månader gått frå å ligga 20 centimeter bak UM-kravet for 15-åringar til å legga kravet godt bak seg og heller sikta mot medaljekamp, inne i Trondheim i mars og ute i Fredrikstad i august. 2,82 er den nye persen på., sett i Høiehallen 4. desember. Denne høgda hadde gitt 5. plass på 15 års-statistikken i 2010 og delt 3. plass mellom 14-åringane. Tar me høgde for (...) ytterlegare framgang fram mot ungdomsmeisterskapa er medaljekamp høgst realistisk. Imponerande!

Og for den to år gamle broren, Eirik (G13), peikar også pila oppover i stavsprang. 2,22 kom han over lørdag. Den eldste klubbrekorden i Gneist tillhøyrer Per Liland frå 1961, det året han var 13 år og kom seg over 2,50 i stav. Rekorden er altså 50 år gammal, 2011 bør såleis vera eit fint år å sletta den i, Eirik!

Mailekene 2011

Ein del av oss har det til tradisjon å besøka vene Haugesund i mai månad i samband med Mailekene.

I 2011 vil Mailekene bli arrangert for 50. gong og - kanskje viktigare - dei vil bli arrangert ei veke tidlegare enn vanleg: 21. - 22. mai.

Det betyr for så vidt også at tradisjonen med kollisjon med Ulriken Opp held fram. Ulriken Opp er jo også flytta til ei veke tidlegare neste år (21. mai).

Kvalifiserte til UM 2011

Til innandørs-UM i Trondheim er det ikkje kvalifiseringskrav.

Til utandørs-UM i Fredrikstad første helga i august er det alt kvalifisert ei rekkje utøvarar frå Gneist:

 * Jørgen Jensen Axelsen (G18/19), 3000m

* Andreas Iden (G16), 800m + 3000m

* Ole Martin Røssland (G16), 3000m

* Amund Høie Sjursen (G15), lengde

* Aleksander Lie (G15), 800m, 2000m, 300m hekk

* Håvard Opheim (G15), stav

* Magnus Leikvoll (G15), stav

* Synne Våge Opheim (J17), stav

* Marianne Benserud (J16), stav, lengde

* Vilde Lund Bjørnsen (J15), 100m, 200m, lengde

* Monika Benserud (J15), 100m, 200m, 80m hekk, lengde, stav, tresteg


I tillegg er det fri påmelding i hinder og i langdistanse for jenter. I tillegg til aktuelle kandidatar ovanfor må her såleis også nemnast Stian Norheim (G15, hinder) og Vilde Omholt (J16, 1500m hinder + 3000m)

Og enno er det lenge til august!

Stav - og kvalifisering

Under Gneist sitt stavstemne 27. november vart det gjort fleire gode prestasjonar. Og fleire kvalifiserte seg for meisterskap i 2011:

* Marianne Benserud (J16) hoppa 2,91, noko som er godt over både UM (2,20) og jr-NM (2,50)- krav. Ho har dessutan 3,25 frå i fjor og er alt kvalifisert til senior-NM (3,00). Marianne er jo også regjerande junior-norgesmeister i øvinga.

* Tina Therese Jenssen (J16) kom seg over 2,71 under stemnet, men har faktisk 2,76 innandørs frå Norna-karusell 22. september i år. Ho er altså også godt inne til UM og jr-NM i 2011.

* Synne Våge Opheim (J17) presterte 2,51, som også er over kvalifikasjonsgrensa til UM (2,30 for J17) og til jr-NM.

* På gutesida sikra både Håvard Våge Opheim (G15) og Magnus Leikvoll (G15) seg UM-deltaking i Fredrikstad i august neste år, med å snika seg over 2,61 (1 cm over kravet).