Stafett-NM/UM 2012

For første gong på ei god stund markerte IL Gneist seg i 2011 i banestafett-meisterskapet. Det skjedde i Drammen og det skjedde både som Gneist (4 x 600 meter for G15/16) og som BFG Fana (Gneist-jenter deltok både på 15/16-laget, kvinner junior- og kvinner senior-laga).

Fordi det ikkje har vore nokon sterk tradisjon for denne deltakinga, så er det endå viktigare å fokusera på meisterskapet. Den styrkte lagkjensla passar det godt å få inn tidleg i banesesongen - og Gneist kan i høg grad bidra på gode stafettlag.

For gutane er det truleg for tidleg med 4 x 100 meter-lag for 15- og 16- åringane i 2012. Den andre distansen som er knytt til UM-klassane (15/16), er 4 x 600 meter. Her deltok Aleksander Lie og Stian Norheim på laget som 15-åringar i fjor. Stian Ø. Aarvik kjem til frå 1997-kullet. Her manglar det i utgangspunktet ein fjerdemann, men erfaringa frå i fjor fortel at habile 200m-løparar, med god basis, kan vera verdifulle å ha med på eit slikt løp.

For dei eldre gutane er det vel 4 x 1500 meter i BFG-drakt det er muleg å sikta seg inn mot. Det var to Gneist-gutar på laget som tok bronse i juniorklassen i fjor. Begge desse kan vera med også i 2012 (Jørgen Jensen Axelsen og Ole Martin Røssland). I tillegg kjem Andreas Iden. Og både Anders Bjørndal, Eirik H. Karstad, Aleksander Lie, Magnus Pettersen Lunde, Stian Norheim (og for så vidt også Stian Ø. Aarvik) kan vera kandidatar til eit BFG-lag, der det er habile utøvarar frå Fana IL som også kan bidra. Ja, om ein finn pengar på kistebotnen, er det plass til to (og nesten tre...) 4 x 1500-lag i menn junior!

Mellom jentene kjem det drivande gode Fana-jenter inn og kan bidra på eit nytt 4 x 100-lag (t.d. Elina Drivenes og Målfrid Pettersen Lunde), saman med våre eigne Monika Benserud og Vilde Lund Bjørnsen. Dei to sistnemnde bidrog jo også sterkt på gull-laga til BFG i junior- (begge) og seniorklassen (Monika) i 2011.

Både 4 x 600 i 15/16-klassen og 4 x 800 i juniorklassen kan vera aktuelle distansar for jentene i 2012. Eitt minus er det at Ingrid Næss Johansen har konfirmasjonshelg same helga som det er stafett-NM. På 600 bidreg Fana uansett sterkt (Drivenes, Lunde og Eline Myking). På 4 x 800 meter er også Drivenes og Myking særs aktuelle namn, i tillegg til Ingrid Helene Nyhus, Vilde Omholt og Anna Serine Røssland.


Her må nok langtidsplanleggast skal det sendast såpass mange på tur!... (Og det må samarbeidast godt med Fana IL.) Og meisterskapet er altså plassert helga 19. - 20. mai og er no flytta frå Moss til den splitter nye og flotte friidrettsarenaen til Ullensaker/Kisa IL på Jessheim.

Arrangørane

Det kan vera kjekt å vera på friidrettsstemne. Av og til - i 2011 berre ein sjeldan gong - er det strålande ver og flott å sitja på tribunen å sjå flinke ungdommar utfalda seg. Andre gongar kan det vera surare ver, men likevel flotte prestasjonar å sjå - berre me har kledd oss godt nok. Og ungane og ungdommane kan gle seg over ein rikhaldig meny av store og små stemne.

Men stemna kjem ikkje av seg sjølv. Det er ei rekkje dugnadsgjengar rundt om som står bak dei. Ein er avhengig av dei som "alltid" er på stadion og dei som blir sett til å raka i lengdegropa - meir eller mindre på rette måten.

Ei raskt samansett liste over dei innsende resultatlistene for 2011 viser interessante ting om kven det er som er ivrigaste arrangørar i Hordaland. Dette er altså ikkje talet på arrangement, men talet på innsende lister. Nokre klubbar er flinkare enn andre til å senda inn smått og stort, andre arrangement har av ulike grunnar ikkje hamna på forbundet sine oversikter, sjølv om dei måtta vera sendt inn, men likevel:

IL Fri toppar oversikten ganske suverent. Ja, dei er flinke til å senda inn, ikkje minst fordi dei har ein viss Stein Fossen sentralt plassert. Men IL Fri er faktisk ein ganske så flittig arrangør av alt frå Arnameisterskap og Arnaløpet, til Trappeløpet og ei rekkje seriestemne. Størst utteljing gir nok likevel serien av kaststemne på Skansemyren, saman med Laksevåg. Også her er Stein Fossen ein heilt sentral mann.

Deretter følgjer Osterøy IL og Norna-Salhus. Den fantastiske innsatsen på Osterøy er rost før, Norna bør vera høgt der oppe, stor klubb, med pengar på bok, som den er. Laksevåg er overraskande høgt oppe, men seriestemne både inne og ute og god utteljing på samarbeid med IL Fri på kast forklarer dette.

Så følgjer Gneist, for så vidt hakk i hæl på Stord, og saman med vesle Trio frå vene Kvinnherad. Gneist bør absolutt vera minst der den klubben er, men at Trio, som blir driven av to-tre veteranar klarer å stabla på beina 17 arrangement (det meste "seriestemne", men også eit lokal meisterskap), er imponerande.

BFG Fana kjem særs dårleg ut i denne oversikten, men både karusellane og Ulriken Opp saknast i materialet. For 2012 kjem Gneist sin del truleg til å gå noko opp og BFG Fana sin til å gå ned. Fana ligg heller ikkje med så mykje for 2011, men har allt annonsert fleire arrangement enn dette for 2012 (Kengurustemna).

Topp 10 (med klart atterhald om feil og manglar!)
1. IL Fri 42 innsende lister
2. Osterøy 28
2. Norna-Salhus 28
4. Laksevåg 27
5. Stord 18
6. Gneist 17
6. Trio 17
8. Bremnes 14
9. Ask 13
10. Viking 8

Sommarkarusellen 2012

Og så reklame:

Sommarkarusellen 2012 går i regi av IL Gneist og startar alt mandag 4. juni. Det blir fem karusellar: 18. juni og 2. juli og så ein lengre pause, før avslutning den 6. og 20. august.

Det blir også "berre" 5 km som tilbod på sommaren. Det er lett å registrera at det har vore svært mange som har prøvd seg på 10 km under Vinterkarusellen no. Samtidig kjenner ein del seg lettare i beina og finn 5 km meir naturleg på sommaren.

Det blir retur til den gamle traséen, den som går på gang- og sykkelstien oppover i Rådalelen og som har vending ved Stend og målgang ved Byggern.

Andre ting: Jo, det blir nye startnummer og det blir sjansar - via trekning - til å få nokre av dei gjævaste startnummera (til dømes "1" og "2").

Meir informasjon om dette - og ein god del anna - finst alt på den nye Sommarkarusellen sine nettsider.

Gå ut og trass Dagmar og venninnene hennar og tren! Dette blir bra!

Hallstatus

Fem dagar før historiens første innomhus Gneist-stemne i Leikvanghallen, så kan det passa med ein liten statusrapport for friidrettshallane i Norge.

Trønderane er frampå i denne samanhengen, som ofte elles, og var pionerar med hallen på Ranheim. No er også hallen i Steinkjer klar. Der skal det vera NM innandørs om nokre veker.

På Vestlandet var Sandnes først ute - sjølv om hallen blei noko forseinka. Første store meisterskapet der blir UM andre helga i mars. Vestlandet har nådd trønderane solid igjen; først med Leikvanghallen, som vart offisielt opna i oktober, og no også med HIL-hallen i Haugesund. Den blir offisielt opna 31. januar. Då blir Rogaland første fylket med to innandørshallar.

Neste på planen blir Tyrving-land, dvs. Bærum og elles i Akershus. Hallen i Bærum er venta klar i 2013, som jo er berre eit år unna - om nokre dagar... Også Oslo planlegg hall. Det same gjer Tromsø (gjera om Tromsøhallen til fullverdig friidrettshall) og Bodø. Det er også sannsynleg at Sørlandet kjem på hall-kartet om nokre år, men dei ligg nok sist i løypa.

Gneist-jenter i BFG-statistikken 2011

Også jentene markerer seg godt i BFG-statistikken etter 2011-sesongen. Dette er altså senior-statistikk frå 15 år og så langt oppover ein berre vil. Gneist kan dermed vera representert med jenter i alderen 15-19 år.

Til saman ni jenter frå Gneist har resultat i denne aldersgruppa i 2011. Og det er altså kvar fjerde kvinne av alle i BFG totalt. Nedanfor finst ein oversikt over Gneist-jenter som markerer seg mellom dei tre beste i ei øving i BFG-samanheng i 2011:

Marianne Benserud
- nr. 1 i høgde (1,50)
- nr. 1 i stav (3,11)
- nr. 1 i spyd (17,71)


Monika Benserud
- nr. 1 i lengde (5,38)
- nr. 1 i tresteg (11,56)
- nr. 2 på 60 meter (7,93)
- nr. 3 i stav (2,70)

Vilde Lund Bjørnsen
- nr. 1 på 300 meter (39,77)
- nr. 2 i lengde (5,15)
- nr. 3 på 400 meter (57,73)

Tina Therese Jenssen
- nr. 2 i stav (2,71)


Vilde Omholt
- nr. 1 på 1000 meter (3:30,54)
- nr. 1 på 2000 meter (7:16,16)

Synne Våge Opheim
- nr. 2 i høgde (1,45)
- nr. 3 i treteg (10,33)

* Utanom desse har også Hedda Magnerud, Anne-Marte Aldal Sætre og Maren Risøen resultat i aldersgruppa.

* I stafett-samanheng er Gneist-jenter representert slik i BFG:
- Monika Benserud (lag med nest-beste tid), Marianne Benserud og Vilde Omholt (lag med 3. beste tid), 1000m stafett
- Monika Benserud (lag med beste tid), Monika Benserud og Vilde Lund Bjørnsen (lag med nest-beste tid), Marianne Benserud, Monika Benserud og Vilde Lund Bjørnsen (lag med tredje beste tid), 4 x 100m stafett

Gneist-gutar i BFG-statistikken 2011

Mange Gneist-arar i alderen 15-19 år markerer seg i BFG-statistikken. Til saman ti Gneist-gutar og ni Gneist-jenter i denne alderen finst i årets BFG-statistikk. Det utgjer høvesvis 21 og 24 prosent av alle i statistikken. Det er ein ganske klar tale om kor viktige desse utøvarane er for BFG Fana! Det er då også særs vktig at dette blir vist igjen til kvardags og i praktisk politikk - i omgangstonen mellom BFG og Gneist (og dei andre moderklubbane). Det er få ting som så tydeleg viser at det bør vera eit "OSS" mellom BFG og moderklubbane som det BFG-statistikken gjer.

Desse Gneist-gutane er mellom dei tre beste i BFG-systemet (altså i senior-samanheng) i sine øvingar i 2011:

Jørgen Jensen Axelsen
- nr. 1 på 1500 meter (4:04,56)
- nr. 1 på 2000 meter (5:48,91)
- nr. 1 på 10000 meter (34:37,79)
- nr. 2 på 3000 meter (8:57,11)
- nr. 2 på 5000 meter (15:52,14)
- nr. 2 på 2000 meter hinder (6:17,08)


Anders Bjørndal
- nr. 2 på 600 meter (1:35,45)
- nr. 3 på 300 meter (42,43)


Andreas Iden
- nr. 1 på 300 meter (40,30)


Magnus Leikvoll
- nr. 1 i stav (3,20)
- nr. 3 i høgde (1,55)


Aleksander Lie
- nr. 1 på 200 meter hekk (29,29)
- nr. 2 på 300 meter (40,62)
- nr. 3 på 200 meter (25,28)


Stian Norheim
- nr. 3 på 600 meter (1:38,36)


Håvard Våge Opheim
- nr. 2 i stav (3,16)


Ole Martin Røssland
- nr. 1 på 600 meter (1:34,80)
- nr. 2 på 2000 meter (5:55,02)
- nr. 3 på 5000 meter (16:02,85)


Amund Høie Sjursen
- nr. 2 på 60 meter (7,57)
- nr. 2 på 100 meter (12,04)
- nr. 2 på 200 meter (25,12)
- nr. 2 i høgde (1,61)
- nr. 2 i tresteg (11,76)
- nr. 3 i lengde (5,57)

* I tillegg er også Eirik H. Karstad med på BFG-statistikken i 2011.

* Utanom dette er det tre stafett-lag som er notet i statistikken: to av dei er reine Gneist-lag (1000m stafett: Magnus Leikvoll, Håvard Våge Opheim, Andreas Iden og Aleksander Lie - og 4 x 600 meter (Stian Norheim, Anders Bjørndal, Ole Martin Røssland og Aleksander Lie). Og på det eine BFG-laget som finst (4 x 1500 meter) sprang Ole Martin Røssland og Jørgen Jensen Axelsen.

Årets mest framgangsrike

Då tar me først ei lita oppsummering over det som no er blitt ein (rettnok ikkje lang) tradisjon, nemleg kåringa Årets mest framgangsrike.


Vinnarane så langt er:

Jenter:
2010: Vilde Omholt
2011: Silje Stenersen

Gutar:
2010: Stian Norheim
2011: Eirik Leikvoll

I vurderingane har Gneist så langt lagt til grunn eitt viktig kriterium; dette er utøvarar som ikkje har oppnådd medlemskap i 1000 poengs-klubben. Med andre ord handlar det om den/dei mest framgangsrike av utøvarane utanfor denne klubben. Så sikrar me at det blir gjort stas på endå fleire.

2012 er for lengst i gang: innomhus-sesongen starta offisielt 1. juli i år. Reelt blei den lokalt innleia med opningsstemnet i Leikvanghallen i oktober. Men talet på resultat er rimeleg tynt så langt, så den aller første oversikten over framgangsrike presenterer me etter at Norna-lekene er vel i hamn i januar.

Gutane sitt 1. lag: BEST

Då avsluttar me gjennomgangen av laga i Lagserien i 2011 med gutane denne gongen. I fjor var det jentene som fekk æra av å runda av - då var det dei som gjekk heilt til topps. I år var det altså gutane sin tur. Og, som nemnt før, det er 22 år sidan sist. Av alle segnomsuste år i nær forhistorie er nok 1989 det som toppar lista, ser me stort, politisk og internasjonalt på det. Då vann altså Gneist-gutane lagserien i Hordaland.

Og så gjorde dei det igjen i 2011!

For å repetera; dette gjeld for Elitedivisjonen for gutar:
* Til saman 60 noteringar
* 24 løp/gang
* 6 hekk
* 18 hopp
* 12 kast

Og desse Gneist-gutane plukka poeng for 1. laget i 2011:
- Jørgen Jensen Axelsen
- Espen Bjørndal
- Kristoffer Blücher
- Henrik Gravdal
- Hans Magnus Haukøy
- Andreas Iden
- Eirik Leikvoll
- Aleksander Lie
- Pål Haugen Lillefosse
- Sindre Kampen Nesheim
- Stian Norheim
- Håvard Rinde
- Sondre Rinde
- Ole Martin Røssland
- Kristian Schjønningsen
- Gjert Høie Sjursen
- Amund Høie Sjursen
- Casper Stenersen
- Stian Ø. Aarvik

Jentene sitt 1. lag: nr. 2 i Elitedivisjonen

20 Norna-Salhus- jenter var med på laget då klubben frå nord i bydn gjekk heilt til topps i Lagserien for jentene i 2011. Med det fauk Norna-Salhus opp får 3. plass i Elitedivisjonen i 2010 til første. Laksevåg fall på si side ned frå 2. til 3. plass. Berre 11 utøvarar stod bak dei 50 noteringane til Laksevåg, altså ni færre enn Norna-Salhus.

For Gneist sitt 1. lag var det midt i mellom, 16 utøvarar som som plukka poenga. Norna-Salhus og Gneist var i ein litt eigen klasse - og det var etter måten tett opp til vinnaren. Det er liten tvil om at Gneist vil kjempa om øvste plass også i 2012.

For Elitedivisjonen for jentene gjeld altså:
* Til saman 50 noteringar
* 20 løp/gang
* 5 hekk
* 15 hopp
* 10 kast

Desse Gneist-jentene plukka poenga for 1. laget i 2011 - og var med på å stadfesta Gneist-jentene som heimehøyrande heilt i toppen i fylket:
- Sara Tyssebotn Berg
- Vilde Lund Bjørnsen
- Marianne Benserud
- Monika Benserud
- Sanne Lillevik Christensen
- Anna Evensen
- Cathrine Harris
- Charlotte Harris
- Ingrid Næss Johansen
- Renate Lie
- Maren Haugen Lillefosse
- Ingrid Helene Nyhus
- Anna Serine Røssland
- Madeleine Sande
- Silje Stenersen
- Nora Ø. Aarvik

Kirsten Melkevik

Så er nyhendet kome om at Kirsten Melkevik forlet BFG Fana frå 1. januar 2012. Ny klubb blir Idrottslaget Gular.

Ein kan sikkert diskutera grunnane til at Kirsten no forlet BFG og miljøet der, til fordel for "innflytttarklubben" Gular.

Det skal eg ikkje gjera her. I staden for er det tid for å hylla ein solid profil i BFG gjennom mange,mange år. Kirsten, som fyller 42 år til våren, har fleire solide prestasjonar - på bane, gate, terreng og motbakke. Seinast vann ho gull i NM i terrengløp i Trondheim no i haust.

Ho har representert Norge i store internasjonale meisterskap i maraton. Ho har hamna på plassar like under og like over 30. Ho kunne sikkert ha håpa på endå betre plasseringar, men for ei godt vaksen kvinne, som tok til med springing på høgt nivå temmeleg seint, så er dette uansett store prestasjonar.

Maraton - som også har blitt teke som mellom-namn (i engelsk versjon) - er hennar favoritt-distanse og draumen har vore å representera Norge på ny i OL i London til sommaren. Persen på maraton er 2:29.12, sett i Frankfurt i 2007.

Kirsten vaks opp i bygda Husnes i vene Sunnhordland. Det er i seg sjølv nok til å ønskja Kirsten hjarteleg lykke til i ny klubb.

Eg håpar BFG takkar Kirsten av på beste vis!

Gutane sitt 2. lag: nr. 7 i Elitedivisjonen

Jada, også gutane sitt 2. lag er i heis-systemet, berre på ein pittelitt annleis måten enn for jentene: Gutane sitt 2. lag blei nr. 2 i 1. divisjon i fjor, altså nest-beste opprykkslag. I år blei det 7. plass i Elitedivisjonen og då best av dei to laga som rykker ned igjen. På plassen bak kom Bergens Turnforening sitt 1. lag, laget som vann 1. divisjon i fjor. Så ja; 2. laget har heva seg opp framfor Bergens Turnforening sitt 1. lag gjennom dette året.

Og gutane var vesentleg nærare det å klara å halda to lag i Eliten enn det jentene var. Så her er eg endå sikrare enn i tilfellet var for jentene: 2. laget til gutane stiller svært sterkt til gjen-opprykk i 2012!

I Elitedivisjonen for gutar gjeld følgjande:
* 60 noteringar
* 24 løp/gang
* 6 hekk
* 18 hopp
* 12 kast

Følgjande Gneist-gutar plukka poeng for 2. laget i 2011:¨
- Jørgen Jensen Axelsen
- Kristoffer Blücher
- Thomas Blücher
- Henrik Berger Ettrup
- Henrik Gravdal
- Hans-Magnus Haukøy
- Jesper Høie Hausberg
- Herman Hovland
- Andreas Iden
- Eirik Leikvoll
- Magnus Leikvoll
- Aleksander Lie
- Pål Haugen Lillefosse
- Sindre Kampen Nesheim
- Stian Norheim
- Håvard Våge Opheim
- Håvard Rinde
- Sondre Rinde
- Ole Martin Røssland
- Kristian Schjønningsen
- Amund Høie Sjursen
- Gjert Høie Sjursen
- Stian Ø. Aarvik

Jentene sitt 2. lag: nr. 8 i Elitedivisjonen

Jentene sitt 2. lag er hamna i elevatoren - heisen. I 2010 vann 2. laget 1. divisjon og rykka opp i Eliten, noko som altså førte til at Gneist-jentene hadde to elitelag i 2011. Men dette året blei det 8. og sisteplass i Elitedivisjonen for 2. laget, eigentleg ganske godt unna det å "redda" plassen.

Mitt stall-tips for 2012 er at heis-tilveret for 2. laget held fram og at det blir nytt opprykk til 2013...

For jentene sin Elitedivisjon gjeld følgjande:
* 50 noteringar totalt
* 20 løp/gang
* 5 hekk
* 15 hopp
* 10 kast

Følgjande Gneist-jenter plukka poeng for 2. laget i 2011:
- Marianne Benserud
- Maria Tyssebotn Berg
- Sara Tyssebotn Berg
- Sanne L. Christensen
- Anna Evensen
- Susanne Foldnes
- Cathrine Harris
- Charlotte Harris
- Miriam Haugland
- Tina Therese Jenssen
- Ingrid Næss Johansen
- Renate Lie
- Maren Haugen Lillefosse
- Solveig Amalie Nenseter
- Anita Norheim
- Vilde Omholt
- Maren Risøen
- Anna Serine Røssland
- Madeleine Sande
- Silje Stenersen
- Nora Ø. Aarvik

Gutane sitt 3. lag: nr. 3 i 1. divisjon

Toppen hos gutane er svært brei for tida. I 2011 hadde Gneist to lag i Elitedivisjonen og eitt - 3. laget - i 1. divisjon. 3. laget rykka like så godt opp frå 2. divisjon i 2010 og suste altså heilt opp og snuste på ny opprykksplass dette året.

For gutane sin 1. divisjon gjeld følgjande:
* Totalt 50 noteringar
* 20 løp/gang
* 5 hekk
* 15 hop
* 10 kast

Og ja, gutane hadde nok kastresultat til å forsyna 3. laget med ti kast...

Desse Gneist-gutane plukka poeng for 3. laget i 2011:
- Jørgen Jensen Axelsen
- Anders Bjørndal
- Espen Bjørndal
- Kristoffer Blücher
- Thomas Blücher
- Henrik Berger Ettrup
- Henrik Gravdal
- Hans Magnus Haukøy
- Håkon Helle
- Emil Engelsen Holm
- Herman Hovland
- Andreas Iden
- Eirik H. Karstad
- Eirik Leikvoll
- Magnus Leikvoll
- Aleksander Lie
- Pål Haugen Lillefosse
- Sindre Kampen Nesheim
- Stian Norheim
- Håvard Våge Opheim
- Håvard Rinde
- Sondre Rinde
- André Jensen Ryland
- Kristian Schjønningsen
- Amund Høie Sjursen
- Hans Jacob Stava
- Casper Stenersen

Jentene sitt 3. lag: nr. 2 i 2. divisjon

Me har tidlegare presentert jentene sitt 4. lag i Lagserien. Det blei altså nr. 2 i 3. divisjon og rykker opp til 2. divisjon.

3. laget har vore i nettopp 2. divisjon i 2011, men også det laget kapra ein 2. lass, rettnok knepent framfor IL Fri sitt 3. lag. Tredjelaget til Gneist hamna på tredjeplassen i 2010 og tok dermed eit lite, men viktig, steg opp og fram i år. Det betyr nemleg at 3. laget til jentene er i 1. divisjon i 2012.

For jentene sin 2. divisjon er det følgjande som gjeld:
* 30 noteringar totalt
* 12 løp/gang
* 2 hekk
* 10 hopp
* 6 kast

Det skal her nemnast at 3. laget rykker opp til 1. divisjon utan kastresultat... Det betyr med andre ord at løps- og hoppresultata er tilsvarande gode...

Følgjande Gneist-jenter plukka poeng for 3. laget i 2011:
- Monika Benserud
- Maria Tyssebotn Berg
- Sanne Lillevik Christensen
- Sunniva Eikestad
- Anna Evensen
- Amalie S. Garden
- Cathrine Harris
- Charlotte Harris
- Maria Alme Jensen
- Tina Therese Jenssen
- Ingrid Næss Johansen
- Renate Lie
- Hedda Magnerud
- Vilde Omholt
- Synne Våge Opheim
- Maren Risøen
- Madeleine Sande
- Silje Stenersen
- Nora Ø. Aarvik

UM-endringar

Norges Friidrettsforbund har gjort viktige justeringar i retningslinjene for inne-UM, før meisterskapet i Sandnes i mars. Éin viktig grunn til endringane er at det rett og slett blir fleire og fleire påmelde til desse meisterskapa, noko som i seg sjølv er gledeleg, naturlegvis.

Det er innført kvalifiseringskrav på to distansar til inne-UM. Tidlegare har det vore fri påmelding til alle øvingar inne. Det gjeld 200 meter og 400 meter. Eit par av dei aktuelle Gneist-deltakarane på desse øvingane er godt innanfor krava, men det er også både jenter og gutar som treng studera desse kvalifiseringsgrensene nøye. Marianne Benserud, Vilde Lund Bjørnsen og Monika Benserud er alle kvalifiserte på 200 meter, medan det ikkje er kvalifiserte jenter på 400 meter.

Så langt eg kan sjå, er ingen av Gneist-gutane kvalifiserte på 200 eller 400 meter pr. no - men her kjem mange sjansar utover vinteren.

I tillegg er det gjort eit par endringar i dagsprogrammet. Dei som spring langt, er ferdige alt lørdag: 800 meter går lørdagen, slik den har hatt for vane, medan 1500 meter går fredagen i staden for søndagen.

Tilbake (etter 3. vinterkarusell)

Den tredje vinterkarusellen venta til den første vinteren var over for denne gongen. Det innebar gode løyper langs Flyplassvegen og Ytrebygdsvegen, med berre littegran snø og is heilt i kantane. Litt guffent er det jo med kaldt regn, hagl i håret og sur vind innimellom, men hell i uhell: dagens dose tordenver kom ikkje før etter at me var komne oss heim.

På 5km for kvinner sprang ungjentene fort også denne gongen, men det er Beate Jensen som er ny på Gneist og omlands adelskalender for vinteren:
1. Silje Stenersen 20.02
2. Renate Lie 20.12
3. Beate Jensen 26.01
4. Sara Tyssebotn Berg 26.59
5. Margrethe Irgens Gravdal 27.27
6. Ann-Mari Tyssebotn Berg 28.30
7. An Magritt Hasås 32.49

På 5km for menn var både Andreas Iden og Aleksander Lie på plass igjen etter gammalt. Andreas betra si sesongbeste med 26 sekund, til 17.17. Topp 10 ser slik ut:
1. Andreas Iden 17.17
2. Torgeir T. Hasås 18.05
3. Stian Ø. Aarvik 18.10
4. Anders Bjørndal 18.13
5. Henrik Irgens Gravdal 18.24
6. Aleksander Lie 18.25
7. Jens Larsen Åstveit 20.54
8. Jostein Lie 21.03
9. Henrik Berger Ettrup 21.37
10. Jon Iden 22.35

På 10km kvinner tok Ingrid Næss Johansen det med ro denne gongen, slik at den smålåtne lista vår framleis ser slik ut:
1. Torun Ø. Aarvik 41.49
2. Ingrid Næss Johansen 44.42

På 10km for menn var det derimot fire endringar på lista. Både Torgeir T. Hasås og Stian Norheim sesongdebuterte. Spesielt kjekt var det å ha Stian tilbake, etter ein del sjukdomsplager. Tom Roger Johansen betra seg eit nytt jafs (med 57 sekund), det same gjorde for så vidt underteikna, på eit hakk og to bak i nivå:
1. Jørgen Jensen Axelsen 33.45
2. Ole Martin Røssland 36.02
3. Torgeir T. Hasås 39.33
4. Stian Norheim 40.57
5. Tom Roger Johansen 42.09
6: Lars Arve Røssland 45.04

... Og rett skal vera rett: Denne gongen ser det ut til at resultatservicen til BFG er av godkjent merke... Trur eg.

Gutane sitt 4. lag: nr. 5 i 3. divisjon

Då er me i gang med presentasjonen også av gutane sine serielag i 2011.

Og - la meg gjenta: Lagserien er ei spesiell ordning for utøvarar og dei rundt dei som tenker individuell idrett heile året elles. Når så sesongen er slutt, så blir klubbane bedne om å ordna dei beste enkeltresultata etter lag og i eit seriesystem. Andre klubbar er ivrigare på å tenka lagserie også undervegs i sesongen. Nokre klubbar arrangerer karusellstemne, andre klubbar arrangerer nettopp seriestemne - for å samla poeng til serien...

No ja, gutane sitt 4. lag hamna midt på tabellen i 3. divisjon dette året. 4. laget rykte opp frå 4. divisjon (vann den) i 2010, slik at ein 5. plass i tredje divisjon er ei klar forbetring.

For 3. divisjon hos gutane gjeld følgjande:
* 30 noteringar totalt
* 12 løp/hekk/gang
* 10 hopp
* 8 kast

Følgjande utøvarar plukka poeng for Gneist-gutane sitt 4. lag i 2011:
- Thomas Blücher
- Johannes Gjeraker
- Henrik Gravdal
- Snorre Høie Hausberg
- Emil Engelsen Holm
- Herman Hovland
- Eirik H. Karstad
- Eirik Leikvoll
- Magnus Leikvoll
- Aleksander Lie
- Pål Haugen Lillefosse
- Vegard Liseth
- Johannes Møllerup
- Håvard Våge Opheim
- Sondre Rinde
- Andre Jensen Ryland
- Erlend Wiig Røssevold
- Ole Martin Røssland
- Amund Høie Sjursen
- Gjert Høie Sjursen
- Jens Larsen Åstveit

Jentene sitt 4. lag: nr. 2 i 3. divisjon

Då - nokre timar før grautfesten blir ringt inn - er me i gang med gjennomgangen av laga i Lagserien i 2011.

Eg synest eg sa det så godt i fjor:

Kva er denne lagserien, sånn eigentleg?

Enkelt sagt: ein set saman, etter førehandsbestemte reglar, dei beste resultata frå klubbane i kretsen og ser kva for ein klubb som har fått flest poeng. Poenggrunnlaget er nyaste tyrvingtabell.

Seriesystemet er inndelt i seks divisjonar: ein elitedivisjon og fem divisjonar under der.

Gneist har fire jentelag og fire gutelag påmeldt i serien.

Ein utøvar kan plukka poeng for fleire lag.

Ein utøvar kan berre ha eitt resultat frå kvar øving med i serien (sjølv om ein skulle ha ti gode stavhopp, vil berre det beste telja), men elles ha med besteresultatet sitt i så mange øvingar som muleg.

Det er ingen samanheng mellom kva for lag ein har plukka poeng for i ein sesong og kva for lag ein plukkar poeng for i neste!

***

Dette skal takast sakte og roleg, så her kjem først 4. laget til jentene. 4. laget til jentene betra seg frå 4. plass i 3. divisjon i 2010 til 2. plass i 2011 - og 2. plass betyr opprykk tl 2. divisjon. Det inneber altså at Gneist har alle sine lag for jenter i 2. divisjon eller betre i 2012.


I jentene sin 3. divisjon er reglane slik:

* til saman 25 noteringar
* 12 løp/hekk/gang
* 8 hopp
* 5 kast

Desse utøvarane plukka poeng for 4. laget til jentene i 2011:

- Sara Tyssebotn Berg
- Anna Evensen
- Susanne B. Foldnes
- Amalie S. Garden
- Charlotte Harris
- Miriam Haugland
- Stine Therese Hovland
- Maren Haugen Lillefosse
- Anita Norheim
- Ingrid Helene Nyhus
- Vilde Omholt
- Synne Våge Opheim
- Maren Risøen
- Anna Serine Røssland
- Madeleine Sande

Velfortent ferie for Gneist Friidrett PU

Lørdag 3. desember var det offisiell avslutning for haustsemesteret for Gneist Friidrett PU. Dette har vore den aller første perioden for nyvinninga, som altså starta med sju utøvarar og som no tel 18.

14 av dei var lørdag samla til avslutning med diplomar, pizza og brus på Kirkevoll skole.

Gjævt var det å få denne helsinga frå Norges Friidrettsforbund, ved presidenten, Svein Arne Hansen:

Hei PU-gruppen i Gneist Friidrett!


Norges Friidrettsforbund ønsker å sende dere en liten hilsen for vel gjennomført trening i 2011. Dere er en viktig gruppe for oss og vi gleder oss veldig til å følge deres utvikling som friidrettsutøvere i årene som kommer. Vi håper at dere kommer å få oppleve mye idrettsglede gjennom friidretten - uansett om dette innebærer å satse på å bli best i verden eller trene for moro skyld. Husk på at friidrett skal være gøy og at dere tar godt vare på hverandre som en gruppe.


Lykke til videre, vi har troen på dere!


Her ser me ein nøgd gjeng, etter diplomutdelinga. Og me er klare igjen til ny oppstart, 14. januar!

Gull til gutane!

Ah, det jamnar seg ut! I fjor var det jentene me hylla som vinnarar av Lagserien i Hordaland. I år sneik Norna-Salhus seg så vidt framfor Gneist på jentesida. Til gjengjeld er Norna-Salhus og Gneist i ein heilt eigen klasse, før nr. 3, Laksevåg.

Men gutane..., gutane er altså Hordalands beste! Og det er dei for første gong sidan 1989. 22 år har altså gått sidan sist. Det var det året då muren fall... Her er det Osterøy som følgjer nærmast og nabo Fana som tar ein sterk 3. plass.

Elles for gutane:
- 2. laget rykker ned frå Eliten til 1. divisjon
- 3. laget er nr. 3 i 1. divisjon
- 4. laget er nr. 5 i 3. divisjon

Elles for jentene:
- 2. laget rykker (også her) ned frå Eliten til 1. divisjon
- 3. laget rykker derimot opp frå 2. divisjon til 1. divisjon
- Og 4. laget rykker opp frå 3. divisjon til 2. divisjon

Det betyr at breidden også er upåklageleg - og faktisk hakket betre enn hos gutane:

I 2012 har Gneist sine gutar eitt elitelag, to lag i 1. divisjon og eitt i 3. divisjon.

Gneist sine jenter har eitt elitelag, to lag i 1. divsisjon og eitt i 2. divisjon.

Knallsterkt!

Detaljar kjem me rikeleg tilbake til.

Og oversikt over lagseriane for gutar og jenter i 2011 finst her

Berre Jørgen - Alle Tider, J/G17+, 2011

Det er lett å ta ein stor sveip over dei tre eldste gute- og jenteklassane, i jakta på Gneist-utøvarar som har markert seg i 2011: Det er uhyre få.

Ein del av oss kommenterte det i samband med den glitrande 2. plassen i lagkonkurransen under Tyrvinglekene i sommar - Gneist blei ganske knepent slegne av Sandnes: Det skjedde med eit lag der eldste utøvaren var 16 år og tre månader. Sandnes, mellom fleire lag, mønstra ei rekkje gode utøvarar både i 17- og 18/19-årsklassen, i tillegg til senior.

Det tar framleis eit par-tre år før Gneist fyller heile aldersspennet, til og med 19 år, med utøvarar av begge kjønn. Dei siste par åras satsing på Gneist Junior er med på å sikra at ein held på ei stamme i alle årsklassane.

Jørgen Jensen Axelsen (G18) er nesten inne på Alle Tider-statistikken i Gutar 18 etter 2011-sesongen. Han er ei einsleg svale mellom gutane, som er 17 år eldre (Jørgen fyller 18 om dagar). Det er muleg at Jørgen kvalifiserer til ein plass på 2000m-oversikten etter denne sesongen. Her er det berre fem inne frå før. Jørgen oppnådde 5:48,91 i år, men det er også muleg at Alle Tider-ansvarleg Stein Fossen set grensa på 5:45 i 18 års-klassen. Også på 10.000 meter er Jørgen forholdsvis nær ei notering, med sine 34:37,79.

Stav og halvmaraton

Kontrastar i veret og kontrastar i idrettsøvingar på den første lørdagen i desember dette året: Godt og lunt innomhus hoppa den trufaste gjengen med stavhopparar etter måten høgt:

Pål Haugen Lillefosse (G11) betra pers og klubbrekord med nye to centimeter, no til 1,83 (832 poeng).

Eirik Leikvoll (G14) har også teke til å flytta persane med aldri så lite, éin cm på han, til 2,83 (870 poeng).

Og Håvard Våge Opheim (G16) flytta seg opp til 3,13 (765 poeng).

Om lag på same tida streva to Gneist-gutar seg gjennom halvmaraton for første gongen. Dei starta kl. 12 frå Fana Stadion og om lag akkurat ved start opna himmelens sluser seg. Seinare blei det betre, men då var gutane alt gode og våte.

Og debuten gjekk strålande: Ole Martin Røssland (G17) kom på 3. plass på distansen med 1:20.36, medan Andreas Iden (G17) blei femtemann på 1:22.39. Sterke saker.

Ole Martin inn på 20-talet - Alle Tider, G16, 2011

1995-årgangen mellom gutane er faktisk monaleg utvida i 2011-sesongen. Både Anders Bjørndal og Eirik H. Karstad er komne for fullt denne sesongen.

Vel, Anders har jo sprunge i Gneist-drakt sidan han var rekrutt, slik om lag, men først i 2011 har han satsa skikkeleg på friidrett - og fått framgang deretter. Han oppnådde mellom anna 4:34,47 på 1500 meter og er også godt i gang med ny sesong i og med fine tider på 5km på Løpskarusellen.

Eirik sprang endå fortare på 1500 meter, 4:31,71, og hadde også fine løp på 400 og 800 meter. Eirik er naturlegvis "ny" i den forstand at han kom frå Os før 2011-sesongen.

Andreas Iden er godt tilbake etter Manchester-opphaldet. 2011-sesongen blei langt frå som han håpa på og sjukdomsplager sette han utanfor alle dei største meisterskapa dette året. Andreas er også heldigvis godt i gang med førebuingane til 2012.

Ole Martin Røssland har etter Gutar 16-sesongen tre markeringar inne på Alle Tider-statistikken:
- 21. plass på 5000 meter (16:02,85)
- 26. plass på 2000 meter (5:55,02)
- 28. plass på 1500 meter hinder (4:37,16)

Lørdag er det planen at Ole Martin og Andreas (saman med Stian Norheim) skal debutera på halvmaraton, sjølv om vermeldingane fortel at det blir minst halve løypa i kraftig, våt, motvind.

Nornalekene

Ja, innandørssesongen har offisielt vore i gang sidan 1. juli. Men trass i eit temmeleg nedslåande år vermessig i 2011, så var det no likevel mest ute ein heldt seg til slutten av oktober. Så har ein så smått teke til å bevega seg inn, med eit par mindre stemne, og først når det bikkar over nyttår får me dei større stemna innomhus.

Me skal naturlegvis ikkje gløyma "prøvestemnet" til Gneist i Leikvanghallen vesle nyttårsafta, 30. desember, men det er vel neppe eit av dei "større" stemna, sjølv om det er viktig nok!

Det første store er utvilsamt nyvinningen Nornalekene, som går av stabelen i Leikvanghallen 6. - 8. januar. Dette er Norna-Salhus sitt forsøk på å laga "Framolekene" inne: eit tredagarsstemne for alle - frå rekruttar til senior - og med etter måten godt øvingsutval.

Fredagen er det øvingar for 11 år tl 17, og i tillegg 3000m for senior (i tillegg til 16-17). Lørdagen er det same aldersspennet, men då er det også "full pake" for seniorane. Og søndagen kjem rekruttane.

For dei som spring langt, blir det for mange det første høvet til å bli svimmel inne: 2000 meter fredagen (14-15 år) er ti rundar, medan 3000 meter skulle bli 15 rundar...

Påmeldingsfristen er 28. desember.

Godt nytt år!...

... eller Gratulerer med dagen...

I dag er det i alle fall eitt år sidan det aller første innlegget på denne bloggen. Den berre rett og slett begynte, utan nokon fanfare av noko slag.

Og nett som no for tida; det var stavsprang som dominerte på konkurransefronten. Det blei fortalt at Marianne Benserud hadde hoppa 2,91 i stav, at Tina Therese Jenssen klarte 2,71 (som faktisk var det same som ho oppnådde utomhus seinare), at Synne Våge Opheim var i solid framgang og kom seg over 2,51 og at både Håvard Våge Opheim og Magnus Leikvoll kvalifiserte seg for ute-UM med 2,61 (berre kort tid etter var dei begge om lag halvmeteren høgare).

Eitt år har 365 dagar. Dette er det 288. innlegget på bloggen. Det inneber at eg har bevilga meg 77 "dagar" fri. Det er er vel i meste laget om ein tenker normalferie, men det får gå.

Rekorden i tal på innlegg pr. månad er faktisk frå den smålåtne februar-månaden i år, med heile 30 i talet.

Så får me ta eitt innlegg om gongen i framhaldet...

Mot siste Mailekene på Haugesund Stadion

Mailekene komande vår - i mai... - blir mulegeins dei siste på Haugesund Stadion. Etter planen blir noverande Haugesund Stadion ein rein fotballstadion, utan løpebanane, frå 2013. Dei som vil setja banerekordar som vil stå for all framtid må altså i så fall koma i form til mai 2012.

Det siste eg har fått med meg, er at prosessen med å få klar klart dette "dobbelt-vedtaket" - fotball og friidrett - kan bli noko forseinka, men her får me berre følgja med. Norges Fotballforbund har opphavleg sett frist for ei oppgradering av fotballstadion i Haugesund til 1. april 2013.

Det er tidlegare fatta vedtak om å byggja ny friidrettsstadion på Haraldsvang. Ombygginga av Haugesund Stadion til fotballarena - og dermed øydelegging av friidrettsdelen der - skjer ikkje før dette nye stadionet er på plass. I mellomtida er arbeidet i gang med mellom anna tomtesal i svingane på dagens Haugesund Stadion, område som blir frigjort fordi stadionet blir "forminska" - eller meir intimt, som fotballfolket kallar det. Dette tomtesalet skal vera med på å finansiera den nye friidrettsbanen, som er kostnadsrekna til 35 millionar.

Og 15. desember er det omframt årsmøte i Haugesund IL der sal av "HIL-huset" - der me gjerne er og får oss noko godt å eta og drikka under Mailekene - er tema. Sal av HIL-huset skjer fordi Haugesund IL reknar med å samla sportsleg og sosial aktivitet i den nye friidrettshallen i byen, HIL-hallen, som også ligg på Haraldsvang - like ved det nye, planlagde, stadionet.

Stavklubben Gneist (II) - Alle Tider, J16, 2011

Jenter 1995 har fleire solide utøvarar: Maren Riøsen sprang bra på 100 meter og hoppa godt i lengde i 2011. Vilde Omholt sprang ein solid 800 meter, betra seg også ytterlegare på 2000 meter og er best i landet på 1000 meter i årsklassen i 2011.

Men det er i stavsprang at (også) 1995-jentene markerer seg i Alle Tider-statistikken etter 2011-sesongen. Tina Therese Jenssen kom over 2,71 under UM på sentralidrettsanlegget på Lisleby ved Fredrikstad først i september. Det var det UM-et me fekk alle versortane på ein gong. Tina Therese hamna på 5. plass der og ho er også nr. 5 på årets statistikk. 2,71 held til 30. plass i Alle Tider-statistikken for 16-åringar.

Marianne Benserud sitt sprang på 3,11 er også frå UM, der ho kapra bronsemedaljen. Nr. 3 er ho også på årets norgesstatistikk og ho plasserer seg på 9. plass i Alle Tider-statistikken i stav for 16-åringar.

Frå 60 til 5000 - Alle Tider, G15, 2011

Også 1996-gutane har hatt småplukk med skadar og sjukdom i 2011-sesongen. Aleksander Lie, til dømes, var etter måten uheldig med sjukdom og er revansjelysten framfor ein ny sesong, men også i Gutar 15 år er han no likevel representert i Alle Tider-statistikken.

Der har han selskap av to andre frå Gneist, den eine på 60 meter, den andre (mellom anna) på 5000 meter, så her er det god (løps-)breidde i øvingane.

Alle Tider-noteringane for 1996-gutane i Gutar 15 ser slik ut:

Aleksander Lie
- 26. plass på 200 meter hekk (29,29)
- 26. plass på 300 meter hekk (42,51)
- 29. plass på 1500 meter hinder (4:48,27)

Stian Norheim
- 19. plass på 5000 meter (16:45,76)
- 36. plass på 1500 meter hinder (4:50,77)

Amund Høie Sjursen
- 72. plass på 60 meter (7,57)

Godt med, trass skadesesong - Alle Tider, J15, 2011

Våre to einarar mellom 1996-jentene, Monika Benserud og Vilde Lund Bjørnsen, fekk delar av 2011-sesongen øydelagt av skadar - men berre delar av sesongen. Dei fekk med seg mykje, sjølv om meisterskapa etter sommaren gjekk fløyten.

Dei to har såleis markert seg endå sterkare tidlegare år, sjølv om det er mykje godt i oversikten her også. Aller sterkast var Vilde sine løp på 300 og 400 meter.

Slik ser det ut, når det altså gjeld markeringane i Alle Tider-statistikken for jenter 15 år for dei to:

Monika Benserud
- 9. plass i tresteg (11,56)
- 11. plass på 60 meter (7,93)
- 29. plass i stav (2,70)
- 33. plass på 100 meter (12,56)
- 65. plass på 200 meter (26,30)
- 85. plass på 80 meter hekk (12,37)
- 89. plass i lengde (5,38)

Vilde Lund Bjørnsen
- 2. plass på 300 meter (39,77)
- 6. plass på 400 meter (57,73)
- 16. plass på 200 meter (25,51)
- 18. plass på 100 meter (12,45)
- 28. plass på 60 meter (8,01)

Stavklubben Gneist

Eg har i fleire år alt, av det eg naturlegvis vil kalla naturlege (-) grunnar, kalla Gneist for ein løpeklubb (springeklubb). Det er Gneist, heilt utvilsamt. Det er like lite tvilsamt at Gneist ikkje er nokon kasteklubb. I hopp kan ein kanskje seia at det varierer litt, men kan henda er meir det knytt til spesielle talent hos enkeltutøvarar (som gjerne også er svært gode, og til og med best, i løp) enn til ein spesiell filosofi i Gneist-systemet.

Men stav... Stavmiljøet i Bergen og omland har i fleire år vore styrt frå IL Fri, dvs. frå deira representant Paavo Moilanen - vår finske stavekspert. Han har mange artige eigenskapar, den viktigaste er kan henda at han er særs raus og er først og fremst stav-menneske. Han vil gjerne hjelpa barn og unge fram - dvs. opp - i/frå stavgropa.

No er det Gneist som har overteke "stavkarusellen", både inne og ute. I praksis er det Paavo og Trond Leikvoll som administrerer stemna, no sist i Høiehallen lørdag.

Marianne Benserud innleia sin 17-årssesong med fine 3,12. Det er verdt 968 tyrvingpoeng og er også Marianne sin første klubbrekord som 17-åring. (Ingvild Mundal Andersen har 3,07, sannsynlegvis utomhus.)

Brørne Leikvoll hadde også ein flott ettermiddag i hallen: Magnus (G16) kom seg over 3,02, som er sesongbeste og verdt 720 poeng, medan Eirik (G14) hoppa 2,82, som både er verdt 867 poeng og samtidig ei rekordtidleg kvalifisering til UM i 2013. (Eirik var jo over UM-kravet for 15-åringar på 2,60 alt i 2011-sesongen, men det var rett og slett for tidleg til å gjelda som kvalifisering til UM.)

Spesialistar - Alle Tider, J14, 2011

1997-årgangen mellom jentene er prega av to, innimellom tre, spesialistar. Ja, eg veit det er opptil fleire 1997-jenter som er registrerte i Gneist, men fleire av dei likar best berre å trena så langt.

Mellom dei som konkurrerer, er duoen Ingrid Næss Johansen og Anna Serine Røssland dei ivrigaste. Og dei møtest stort sett også på dei same distansane - i alle fall så langt. Innimellom har dei i 2011 også hatt besøk av Ingrid Helene Nyhus. Til alt overmål er også Ingrid Helene med på så godt som dei same distansane som dei to førstnemnde. Ingrid Helene sparkar i tillegg fotball på opptil fleire fotball-lag i Gneist-systemet.

I Alle Tider-samanheng er det Ingrid og Anna Serine som får seg ei kvar si notering etter 2011-sesongen. Og kanskje seier det noko om at det trass alt er ei viss spesialisering på gang også mellom desse jentene?

Ingrid er inne på 3000 meter, med tida 10:54,07. Tida blei oppnådd under Fanalekene i haust og med den sletta ho Ingrid Sandvoll sin klubbrekord frå andre halvdel av 1970-talet. Ingrid Sandvoll hadde også beste tida oppnådd av ei 14 år gammal jente på distansen i Hordaland, slik at tida til Ingrid Næss Johansen er uoffisiell kretsaldersrekord - uoffisiell fordi distansen ikkje er "lovleg" for 14-åringar. Men i 2012 er Ingrid å rekna som 15-åring og kan, fullt lovleg, springa både 3000 meter og det meste anna. Etter planen står 3000 meter på programmet for henne under junior-NM i Sigdal i slutten av juli. På landsplan er tida til Ingrid, uoffisell aldri så mykje, den 12. beste oppnådd for 14-åringar gjennom tidene.

Anna Serine er, for andre året på rad, først og fremst inne med ei markering på 1500 meter hinder. Med 5:41,27, oppnådd alt under Framolekene i juni, har ho 9. beste tida gjennom "Alle Tider" for 14-åringar. Anna Serine satsar friskt på hinder også i komande sesong - der distansen ikkje minst finst på programmet under UM på Askøy siste dagen i august.

Friidrett - Fotball 1-0

No er me godt forspente med friidrettsbanar som i stor grad er til for det formålet, men svært mange banar må likevel dela anlegget sitt, ikkje minst med fotball. Ein og annan gongen kjem det rugby-folk og syklistar og gjer ting vanskelege for oss skikkelege folk på Fana Stadion, men det skal me ikkje gjera eit stort nummer av. Ikkje i dag.

Mest aktuell dei siste par åra har fotball-kollisjonen vore på Haugesund Stadion, der ein del har reist for å vera med på Mailekene. Haugesund sitt fotball-lag blir visstnok berre betre og betre og er blitt ein gjengangar i Eliteserien. Terminlista i Eliten blir ikkje klar før i desember månad, men Mailekene ligg truleg godt an til å få bli arrangert pinsehelga neste år, siste helga i mai.

Dei siste par åra har Tyrving ikkje hatt fotball for menn å konkurrera med. Då har Stabæk sitt fotball-lag spelt på Telenor Arena. Ein del vil ha fått med seg at Telenor Arena no er i ferd med å bli asfaltert og såleis eigna seg dårleg for fotball-sparking. Stabæk skal tilbake til Nadderud. Men både herrelaget og damelaget til Stabæk må spela kampane sine på andre datoar enn dei Tyrvinglekene går på. I Bærum er det nemleg slik at friidretten og Tyrving har forrang og fotball-laga som absolutt må trakka rundt på graset der må halda seg unna 15. - 17. juni 2012. 

Det gjer godt å høyra, ikkje sant?

Vinterkarusell utan vinter (så langt - og bank i bordet)

Familien var på reise mandag og gjekk tydelegvis glipp av draumeforhold under 2. løpet av Vinterkarusellen. Det er ein vinterkarusell som så langt har gått i mange plussgrader og strålande forhold, ganske så langt unna vinteren. Men vinteren kjem vel og gjer ære på karusellens namn om ikkje så lenge. (Neste løp er 12. desember).

Her er bestetidene frå "Gneist og omland" etter to løp (tar høgde for feil og manglar!):

5km kvinner

1. Silje Stenersen 20.02

2. Renate Lie 20.12

3. Sara Tyssebotn Berg 26.59

4. Margrethe Irgens Gravdal 27.27

5. Ann-Mari Tyssebotn Berg 28.30

6. An Magritt Hasås 32.49

Silje og Renate nærmar seg altså 19-talet, Sara forbetra seg med nesten tre minutt frå sist (!).

5km menn

1. Andreas Iden 17.43

2. Torgeir T. Hasås 18.05

3. Stian Ø. Aarvik 18.10

4. Anders Bjørndal 18.13

5. Henrik Irgens Gravdal 18.24

6. Jostein Lie 21.03

7. Henrik Berger Ettrup 21.37

8. Jon Iden 22.35

9. Mads Holm 23.47

10. Andre Jensen Ryland 28.24

Stian Aarvik leverte eit solid løp, to minutt og tretten betre enn sist. Anders Bjørndal betrar seg meir og meir, no sist med 38 sekund. Også Jon Iden og Mads Holm viste solid haustform, med høvesvis 25 og 30 sekund betre tider enn sist.

10km kvinner

1. Torun Ø. Aarvik 41.49

2. Ingrid Næss Johansen 44.42

Ingrid sesongdebuterte på 10km med dette.

10km menn

1. Jørgen Jensen Axelsen 33.45

2. Ole Martin Røssland 36.02

3. Tom Roger Johansen 43.06

4. Lars Arve Røssland 46.12

I eit kanonfelt var også Gneist representert i det ypparste sjiktet, med Jørgen si kanontid.

Mange noteringar - Alle Tider, G13, 2011

Då skal me fullføra soga om statistikk-debutantane - på landsplan - frå 1998-årgangen. Det handlar altså om Gneist-utøvarar som etter 2011-sesongen markerer seg på "Alle tider"-statistikken i Norge.

Eg har nemnt det før - og eg seier det igjen: Året då Norge vann "alt" - frå Nagano til Marseille - fostra ein gullkanta gjeng - av begge kjønn - som no spring og hoppar (og slikt) med den blå Gneist-drakta.

Gutane er ikkje på nokon måten verre enn jentene. Her er oversikten over dei til saman fire utøvarane som får noteringar i Alle Tider-statistikken for 13-åringar etter 2011-sesongen:

Henrik Irgens Gravdal
- 12. plass på 600 meter (1:33,95)
- 35. plass på 1500 meter (4:33,29)
- 38. plass på 400 meter (59,9 - manuelt og elektronisk slege saman)
- 42. plass på 800 meter (2:11,04 - olympiameister Vebjørn Rodal hadde 2:11,0 som 13-åring)
- 55. plass på 200 meter hekk,68cm (32,22)
- 86. plass på 60m hekk,76,2cm (10,38)


Eirik Leikvoll
- 50. plass i stav (2,77)


Sondre Rinde
- 8. plass på 200 meter hekk,68cm (29,85)
- 13. plasss på 60 meter hekk,76,2cm (9,58)
- 16. plass i tresteg (11,35)
- 21. plass på 80 meter (10,81)
- 35. plass på 200 meter (26,02)


Casper Stenersen
- 12. plass på 1500 meter (4:27,35)
- 20. plass på 1000 meter (2:53,64)
- 48. plass på 600 meter (1:35,76)

Renate inn i statistikken - Alle Tider, J13, 2011

Det er lett å få auge på det storslagne talentet i 1998-gjengen i Gneist, både mellom gutane og jentene. Og, som nemnt, frå og med 2011-sesongen har talenta også vore synlege i den offisielle statistikken for første gongen.

I vår gjennomgang av ute-prestasjonane på landsbasis, i eit historisk perspektiv, startar me nettopp med J13. Der har Renate Lie dominert i 1998-klassen i fleire år alt - og er også solid inne på Alle Tider-statistikken etter at utesesongen i 2011 i røynda er over:

- 1. plass (og altså aldersrekord) på 400 meter (61,29)
- 1. plass (og aldersrekord) på 1500m hinder (5:29,66)
- 4. plass på 300 meter (43,64)
- 19. plass på 600 meter (1:40,61)
- 22. plass på 200 meter (27,36)
- 49. plass på 1000 meter (3:11,99)
- 63. plass på 100 meter (13,38)
- 65. plass på 80 meter (11,42)
- 84. plass på 1500 meter (5:00,89)
- 99. plass i tresteg (9,71)

Men Renate er ikkje åleine. Cathrine Harris er etter 2011-sesongen inne med to Alle Tider-noteringar:
- 8. plass i tresteg (10,75)
- 57. plass i kule,2kg (11,16)

Og hekkespesialisten Maren Haugen Lillefosse har også fått to noteringar:
- 32. plass på 200m hekk,68cm (32,42)
- 35. plass på 60m hekk,76,2 cm (9,86)

Alt i alt ein fabelaktig statistikk-start for 1998-jentene.

OBS! Jättekonsert och ny "helg" i Göteborg

Nett då 2012-sesongen såg ut til å vera spikra og nokon til og med hadde bestilt hotellrom og slikt for noko, så kom det: Ein ny jättekonsert på Nya Ullevi fører til at Världsungdomsspelen 2012 no blir flytta til same helga som i fjor, 7. - 9. juli, i staden for månadsskiftet juni/juli, som me har trudd lenge.

7. - 9. juli fører til ei anna endring, nemleg at Spelen går frå lørdag til mandag, i staden for det vanlege fredag til søndag. Det klarer me sikkert å leva med, sommar som det er.

Konkurransestart blir lørdag 7. juli kl. 9.00.

Så då flyttar dei vel sikkert friidretsfestivalen sin i Strandebarm tilbake til helga før, vil eg tru. Om det ikkje skulle dukka opp ein jättekonsert i Norheimsund, eller noko.

Kva for ein konsert det er snakk om i Göteborg den 4. juli, nei, det veit eg ikkje - enno.

Leikvang - Leikvoll

Då er den etter måten lange rekka av Gneist-arrangement for 2012-sesongen i gang. Det hende i Leikvang Friidrettshall lørdag, då det første av innesesongens stavstemne gjekk av stabelen.

Eg har høyrt ved fleire høve at Gneist-arar har kome i skade for å kalla hallen og staden for "Leikvoll" i staden for "Leikvang". Det er ikkje det mest unaturlege, med tanke på namnelikskapen. Når det er stavstemne i tillegg, så er Leikvoll-ane godt representert. Pappa Trond var dommar (saman med, i stavsamanheng, allestadsnærverande Paavo Moilanen frå Fri), medan Magnus (G16) og Eirik (G14) var to av dei til saman åtte deltakarane.

Magnus sesongdebuterte med 2,91, som gir 643 tyrvingpoeng, medan Eirik klarte 2,61 (793 poeng).

Tredje Gneist-ar på Leikvang var Pål Haugen Lillefosse. Pål fyller 11 år først til neste år, men i friidrettssamanheng er han 11 år frå og med stav-debuten i dag. Han hoppa over 1,81, som gir 818 tyrvingpoeng, og som er ny klubbrekord i G11 og 2012-sesongens aller første klubbrekord. Den gamle var på 1,70 og tilhøyrde Eirik Hovlandsdal (sett i 2000) og Eirik Leikvoll (sett i 2009) i fellesskap.

PU-rapport

Lørdag 24. september starta Gneist Friidrett si PU-gruppe opp, i Hordnesskogen, med sju deltakarar. (PU står for psykisk utviklingshemma.) Sju veker seinare har medlemstalet blitt dobla til 14. Og rapportar fortel at fleire er på veg. Så langt har dette vore ein klar suksess.

Kvar lørdag kl. 12 møtest me, som hovudregel på Fana Stadion. Så langt har me vore særs heldig med veret. Eit par dagar har me nesten hatt sommarver på seinhausten, og me har knapt hatt regndråpar. Sist lørdag var me ein tur i Høiehallen på slutten av økta - Høiehallen vil vera tilfluktsstaden dei dagane veret måtte bli for ufyseleg utover, for det skjer nok etter kvart.

Øktene blir starta med oppvarming; ein eller fleire rundar rundt banen. Så har me ulike stafett-opplegg, før me prøver på distansetrening. Først har me hatt 40 meter, sist auka me til 60. På slutten har me litt leik av ulikt slag. Alt dette peikar fram mot måla om deltaking på ulike stemne og i mosjonsløp.

Gneist Junior er godt representert med assistentar. Me har fire av dei og dei er heilt nødvendige for å få dette til å gå rundt: Andreas Iden, Ole Martin Røssland, Vilde Omholt og Anna Serine Røssland.

Golf

Berre for å understreka at eg tilhøyrer ein heilt annan generasjon enn ungdommen: I 1992 kjøpte eg mi første datamaskin, då var eg 25 år. Det var ei pittelita Apple-maskin, som gjekk under namnet Classic II (altså ikkje fullt så klassiske som den klassiske Classic). Den maskina kosta like mykje som 3-4 langt kraftigare berbare i dag. Det er no så, men den tente meg godt i mange år. Ei heil hovudoppgåve fekk eg skrive på den, hugsar eg. Og så var det eit par spel som kom med maskina som dei eldste ungane hadde stor glede av då dei var mindre. Dei hugsar den maskina godt på grunn av spela.

Sjølv blei eg hekta på MacGolf, som var ganske forseggjort golf-spel for si tid. Eg blei ganske god, om eg sjølv skal seia det. Det er likevel det einaste positive forholdet eg har til golfsporten. Eg skjønar meg ikkje på den, rett og slett. Ein gong gav kabel-tv- leverandøren min meg Viasat Golf gratis i fleire månader, men eg klarte ikkje nytta meg av det.

Det forholdet eg har til golf, er det eg har til golfbanen til Fana Golfklubb. Det er eit svært spesielt forhold. Sommarhalvåret er det fullt av frustrasjon, sidan ei flott grøn lunge er stengt for oss heilt vanlege menneske, men så, men så... endeleg! Så er golfbanen ved Siljustøl offisielt stengt for sesongen - og opna opp for oss andre. Første offisielle stengedagen for golfarane og opningsdagen for oss andre var i dag. Det blei mørkt og kveld før eg fekk prøvd meg der, men eg berre måtte springa på vegar og bakkar - og bli god og blaut. 

Ah, no er me i gang. Ikkje-golfsesongen er offisielt opna!

Dei nye konfirmantane

Mandag kveld blir ein fin bukett frå 1997-årgangen teken opp i Gneist Friidrett Hall of Fame - eller "Gneist Junior", som ein del også likar å kalla foreininga. 1997-gjengen blir såleis konfirmantar eit halvt år før dei blir det ein gong til. Ein av dei store tinga dei komande 15-åringane kan sjå fram til er å få konkurrera i Ungdomsmeisterskapet (UM), både inne (Sandnes) og ute (Askøy) komande sesong.

Først: Eit lite supplement til UM-oversikten, sist presentert her i Bloggen 29. august: Amund Høie Sjursen sitt tresteghopp på 11,76 frå Stord Stadion blei, etter ein del tid, stadfest som prestert i godkjent vind. Dermed er Amund alt kvalifisert både på 100 meter og i tresteg til neste ute-UM. Marianne Benserud spranng 100 meter hekk på 17,48 under mangekamp-UM i Trondheim i september, noko som er 2/100 under kravet i J17. Marianne er såleis kvalifisert i fem øvingar alt til meisterskapet på Ravnanger, i tillegg til at ho er 1/100 frå kravet i den sjette øvinga. Endeleg: Anna Serine Røssland har kvalifisert seg på 800 meter i J15.

Totalen er framleis 19 kvalifiserte Gneist-utøvarar pr. no.

Ein del av dei som no straks skal i gang med kvalifiseringsforsøk er å finna mellom dei nye konfirmantane. Det gjeld til dømes Emil Engelsen Holm, Jens Larsen Åstveit, Stian Ø. Aarvik og Mats Bjørndal. Alle desse er altså gutar. Dei mest aktive jentene fødde i 1997 har alt sikta seg inn mot minst éi øving: Ingrid Helene Nyhus, Ingrid Næss Johansen og Anna Serine Røssland.

Av andre ikkje-kvalifiserte det blir spennande å følgja utover er Anders Bjørndal og Eirik H. Karstad. Begge  drøymer om kravet på 800-meteren.

Det er altså fri påmelding til INNE-UM i mars, medan alle resultat oppnådd i innesesongen gjeld som kvallifiseringsgrunnlag til ute-UM i månadsskiftet august/september (i tillegg til resultat frå utesesongen, sjølvsagt).

Inn i hus og eitt år eldre

Då er innesesongen akkurat så vidt komen i gang. Det skjedde akkompagnert av fingermat og festtalar under opninga av innandørshallen på Leikvang sist lørdag. Pittelitt tid til friidrett blei det faktisk også.

Dette var eit stemne der deltakarane var inviterte på førehand og berre øvingane 60 meter og lengde stod på programmet. Det var eit visst manne- og kvinnefall på invitasjonslistene, så dette blei ei smålåten opning. Så får me satsa på at aktiviteten kjem seg etter kvart der oppe i det bergenske nord.

Fleire Gneist-utøvarar måtte melda forfall, men ein liten bukett var no likevel med.

Og la meg repetera: Innesesongen går frå 1. juli til 30. juni, og ein følgjer då prinsipielt - og i alle fall pr. statistikk - aldersklassane ein har i siste del av den perioden. Er ein fødd i 1998, så er ein i G14 eller J14 alt no. Med andre "fylte" til dømes Sondre Rinde 14 år då han innedebuterte for sesongen på Leikvang.

På 60 meter for gutar sprang nemnde Sondre på 8,19. I tyrvingpoeng er det no altså G14-tabellen som gjeld og dette løpet er verdt 881 poeng. Eitt hundredel betre var Emil Engelsen Holm, som no - ni månader før fødselsdagen - spring som 15-åring (829 poeng).

I lengde blei det 4,95 på Sondre (840 poeng).

Einaste svala for jenter var Maren Haugen Lillefosse (no J14). Ho sprang på 8,89 på 60 meter (827 poeng).

Varsam start, altså.

Gneist-adelen

Eg veit ikkje om eg i skrivande stund kan lita på resultatlistene til Løpskarusellen, men me får ta ein sjanse (Ingrid Næss Johansen, til dømes, måtte dessverre bryta etter 800-900 meter, men står oppført med ei (rettnok heilt urimeleg) tid på 5km).

Denne vinteren nøyer me med oss å halda oversikten over løparar i det som kan kallast "Gneist og omland", altså for Gneist-utøvarar, opphav og andre "slektskap". Oversikten blir oppdatert etter kvart løp og inneheld bestetidene til dei enkelte.

Desse er dei eg har funne i listene så langt (godt muleg eg har oversett nokon også):

5km kvinner
1. Silje Stenersen 20.05
2. Renate Lie 20.28
3. Margrethe Irgens Gravdal 27.35
4. Sara Tyssebotn Berg 29.54
5. Ann-Mari Tyssebotn Berg 30.06

5km menn
1. Andreas Iden 17.43
2. Torgeir T. Hasås 18.05
3. Henrik Irgens Gravdal 18.24
4. Anders Bjørndal 18.51
5. Stian Øvergaard Aarvik 20.23
6. Jostein Lie 21.03
7. Henrik Berger Ettrup 21.45
8. Jon Iden 23.00
9. Mads Holm 24.17
10. Jørgen Morken Heen 30.25
11. Eirik Måren Sæle 30.27
12. Trond Leikvoll 32.39

10km kvinner
1. Torun Øvergaard Aarvik 41.49

10km menn
1. Ole Martin Røssland 36.02
2. Tom Roger Johansen 43.06
3. Lars Arve Røssland 46.12

Amatøreriet held fram

Rundt 1000 personar, frå ganske små til ganske store og godt vaksne sprang av garde langs Flyplassveien i går kveld, glade i asfalt og akkompagnement frå biltrafikken som dei tilsynelatande er.

Det var altså temmeleg mange med i årets første vinterkarusell. Det var ikkje "rekordmange", det har vore fleire med tidlegare, men at "sprek-bølgja" framleis er på veg oppover er ganske tydeleg.

Likevel: BFG Fana får fleire og fleire deltakarar på sin karusell og tar stadig høgare deltakarpris, men kvaliteten på resultatservicen blir like dårleg. Eller kanskje dårlegare? Først tirsdag føremiddag skulle det leggast ut resultatlister. Dei er, nesten som vanleg, full av feil og manglar.

Ein hovudgrunn til feila og manglane er at med om lag 1000 deltkarar køyrer likevel BFG med både brikke-tidtaking og med manuell tidtaking, der funksjonærar står og bipar av tida til deltakarar, som står i kø for å få teke si tid. Så skal alt dette samkøyrast. Nokre får rett tid, andre får hakkande galen. Sjølv er eg ein av dei mange som i skrivande stund har ein heil time for lang tid, andre har endå meir merkverdige resultat.

Kvifor i all verda betaler ein 120 kroner (dersom ein betaler for eit enkeltløp og er vaksen) for å springa med eit startnummer, i kø? Spring same vegen, ta tida på deg sjølv, heilt utan startnummer og heilt gratis!

Og kvifor får arrangørar ei rekkje andre stader i landet dette til?

Turen: Jo da, den var fin den.

Pålitelege Osterøy

Alt no, i slutten av oktober 2011 og før (om enn berre timar før) sommartida er slutt, så er Osterøy IL klare med datoar for sin karusell i 2012.

7. mai, ei god veke seinare enn vanleg, er det planen å starta. Ofte har me vore ein gjeng og fått banetrening alt i slutten av april, seinast i år då til dømes Casper Stenersen var av garde og sletta pappa Sigve sin klubbrekord på 1000 meter. Så følgjer det karusellar 21. mai og 27. juni.

Karusellane først i juli, 9. og 11. juli, er førebels sett opp som høvesvis reine kast- og hopp-stemne, medan karusellen den 18. juli - og for så vidt den 27. juni - er øyremerka for løp.

Dei tre siste datoane skal det etter planen vera øvingsprogram i alle tre øvingsgreiner. Det er 1. august, 20. august og 22. september.

I tillegg inviterer Osterøy på ny til friidrettsfest for 13- og 14- åringar 8. og 9. september (NCC-lekene). Og endeleg: Medan dei stakkars veteranane dei to siste sesongane er blitt forviste til haustregnet og hauststormane si tid, oktober månad, for sitt KM, så har Osterøy alt teke på seg KM for veteranar, tidleg i sommar, då det garantert blir 20+ og så godt som vindstille. Me snakkar om 4. og 5. august.

Til neste år må det bli ferie på Lone(våg) camping...

Ein misforstått rekning

Det er fire dagar igjen til årets første vinterkarusell-løp i regi av BFG Fana.

Ungdommane har teke til å få rekningar. Det må dei jo leva med, det er ein del av det å bli vaksen. Men det er ikkje alle rekningar ein treng å ta på alvor. Rekningane for deltaking i Løpskarusellen som dett ned i epost-kassane til dei aktive distanseløparane i BFG – og moderklubbane – er slike rekningar.

La meg seia det så klart eg kan: Det er aldeles meiningslaust at ein ikkje går gratis som aktiv distanseløpar i klubbens eige arrangement. Dette er nytt. Tidlegare blei det meld inn ei gruppe på om lag ti (pluss) utøvarar frå Gneist, godkjent av trenar Torstein Erichsen, som gjekk gratis i Karusellen fordi karusell-løp blei sett på som ein verdifull del av treninga for desse løparane (ikkje minst gjennom vinteren). Også distanseløparane i BFG har (naturlegvis!) gått (dvs. sprunge) gratis.

No er det slutt på dette og rekningar det ned i epost-boksane til alle og ein kvar. Det er misforstått. Løpskarusellen skal naturlegvis vera ei god inntektskjelde for BFG, men den må då også vera eit godt sportsleg tilbod til eigne aktuelle utøvarar?!

På vinteren er det eit firesifra tal unike utøvarar i Løpskarusellen, berre eit par-tre titals av dei ville gått gratis etter den sjølvsagde modellen. Her pressar ein med andre ord ein liten brøkdel av dei totale inntektene frå eigne utøvarar, som jammen har kostnader med idretten sin som det er.

Eg tar for gitt at utøvarane sjølve tar dette opp på beste vis, med siktemål å få omgjort ordninga som no er innført. Eg tar også for gitt at sportsleg utval i BFG tar dette opp ved første høve.

Leikvang - ein ny epoke

Haukås, seier nokon, men dei fleste av oss nyttar nok "Leikvang" når me snakkar om å ta turen til friidrettsanlegget (ja, litt fotball blir det vel og sparka der) i Bergen Nord. Og no er altså Leikvanghallen teken i bruk og ein heilt ny epoke har starta.

Hallen er eit glitrande anlegg. Det einaste påtakelege minuset er at den ligg betre til for fengselsfuglar enn for friidrettsutøvarar flest. Det får me leva med og bli vane med trafikkmaskinene forbi Åsane, jo før jo heller.

Førstkomande lørdag blir hallen offisielt opna, nesten fire veker etter at den blei teken i bruk til trening.

Så står vonleg fleire store spennande stemnetilbod på programmet utover i innesesongen, IL Gneist har vel eit par på lur, i alle fall.

Bileta er tekne av Jon Iden, på dag to etter at hallen blei opna for trening.

Sondre sin rekordsesong

Det har vore skrive og sagt mykje om den nest-eldste Rinde-guten (etter Arve, naturlegvis) sin fantastiske 2011-sesong. I denne oversikten får me nye tal på det. Den fortel at Sondre har plussa på rekordmengda si med sju og er inne på "Alle tiders" topp 10-oversikten i IL Gneist. Det er ikkje dårleg, for å seia det mildt. Sondre går berre - til liks med Renate Lie, omtalt i går - inn i sitt 14. år og har mange rekordsesongar framfor seg.

Elles ser me at at både Marius Benserud og Sigve Stenersen må sjå at rekordmengda går noko ned - dei kan jo av naturlege grunnar ikkje setja fleire. Det fører mellom anna til at Marius Benserud no deler topp-plassen med Roar Haugland.

Her er den totale oversikten over dei gutane som har flest Gneistrekordar (10-19 år):

1. Marius Benserud 29 rekordar (- 3)
1. Roar Haugland 29 rekordar
3. Steffen Nerdal 23 rekordar
4. Sigve Stenersen 19 rekordar (-3)
5. Morten Benserud 18 rekordar (- 2)
6. Rodgeir Vigestad 17 rekordar
7. Sondre Rinde 16 rekordar (+ 7)
8. Kjetil Espetvedt 15 rekordar
9. Torstein Ryland 14 rekordar
10. Aleksander Lie 12 rekordar (+ 1)
10. Espen Liland 12 rekordar

Og her er så lista over dei med flest klubbrekordar av dagens aktive:

1. Sondre Rinde 16 rekordar (+ 7)
2. Aleksander Lie 12 rekordar (+ 1)
3. Henrik Gravdal 10 rekordar (+5)
4. Andreas Iden 7 rekordar (-1)
5. Kristoffer Blücher 6 rekordar (+4)
5. Casper Stenersen 6 rekordar (+2)
5. Amund Høie Sjursen 6 rekordar (-2)
8. Gjert Høie Sjursen 4 rekordar (+4)
8. Eirik Leikvoll 4 rekordar (+2)
8. Stian Norheim 4 rekordar (+2)

No blei ikkje sesongen til Casper Stenersen slik han drøymde om, men styrkeforholdet mellom far og son har likevel endra seg klart til Casper sin fordel. Det var 22-4 for eitt år sidan, no er det altså 19-6, slik at skilnaden har gått frå 18 til 13. Følg med, følg med...

Og Gjert Høie Sjursen har hatt sin første rekordsesong (11 år) dette året, har plukka med seg fire rekordar og ligg no berre to bak broder Amund.

Jakta på Bente

Klubbrekord-oversikten i Gneist viser interessante ting, mellom dei at det mellom trenarane våre er solide folk med mange rekordar på samvitet.

Dagens oversikt er ein oppdatert ein over kven som har flest klubbrekordar mellom jentene. Mange av dagens utøvarar tar til å gjera seg gjeldande og jakta på leiarposisjonen til Bente Lervik (Liland) er i full gang. Fremst i jakta er den yngste, nemleg Renate Lie, som framleis berre har tre sesongar med klubbrekord-plukking bak seg, men ho har fleire med seg i jakta.

Her er oversikten over topp ti:

1. Bente Lervik (Liland) 28 rekordar (- 1)
2. Renate Lie 23 rekordar (+ 3)
2. Benedikte Liland 23 rekordar (- 2)
4. Vilde Lund Bjørnsen 21 rekordar (+ 4)
5. Kjersti Ristesund 20 rekordar (- 2)
6. Monika Benserud 19 rekordar (+ 4)
7. Torunn Sandvoll 12 rekordar
8. Marianne Benserud 11 rekordar (+ 4)
8. Mary-Ann Nordeide (Hårklau) 11 rekordar
10. Kathrine Sandvik 8 rekordar (- 1)
10. Anne-Beth Espetvedt 8 rekordar

Dei som altså er nærmast Renate i jakta på Bente Liland sin totale rekord er Vilde Lund Bjørnsen og Monika Benserud.

Her er så liste over dei med flest klubbrekordar av dagens aktive:

1. Renate Lie 23 rekordar (+ 4)
2. Vilde Lund Bjørnsen 21 rekordar (+ 4)
3. Monika Benserud 19 rekordar (+ 4)
4. Marianne Benserud 11 rekordar (+ 4)
5. Cathrine Harris 7 rekordar (+ 3)
6. Maren Haugen Lillefosse 4 rekordar (+ 1)
6. Vilde Omholt 4 rekordar (+ 3)
8. Silje Stenersen 3 rekordar (+ 3)
8. Anita Norheim 3 rekordar
8. Ingrid Næss Johansen 3 rekordar (+ 3)

Gutane følgjer...

Viktige stemne

Utgangspunktet er altså alle dei enkeltresultata som er blitt teljande i årets lagserie - så får me heller koma tilbake til meir pedagogikk og detaljar rundt Lagserien seinare. Oversikten over kor desse aktuelle bestenoteringane er sett var siste tema, men den oversikten galdt total-tal for alle typar øvingar.

Denne gongen bryt me desse tala ned på øvingstypar - og får fram eit par interessante ting.

For løp (for begge kjønn) ser oversikten slik ut "i toppen" (altså over stemne der flest relevante bestenoteringar er ifrå i 2011):

1. Framolekene 28
2. Bergenslekene 17
3. Fanalekene 9
3. Tyrvinglekene 9
5. Gøteborg 8

Også her er det altså tre av dei større stemna på Fana Stadion som dominerer, men det er forholdsvis mange løpsresultat å henta frå Tyrving og frå Världsungdomsspelen. I forhold til talet på startar er talet spesielt høgt frå Gøteborg.

For hekk/hinder er oversikten "i toppen" slik:

1. KM/Gneistspelen 5
1. Tyrvinglekene 5
3. Fanalekene 4
4. Framolekene 3

Også her noterer me det er prestert godt under Tyrvinglekene .

Generelt er det eit nokolunde samanfall mellom oversikten totalt (gårsdagens blogg) og for viktige stemne når det gjeld løp, med den nemnde ekstra mengda resultat frå Tyrving og Gøteborg her.

For hopp og kast er det annleis på viktige måtar, først hopp:

1. KM/Gneistspelen 19
2. Hoppstemne, Ytrebygda 17
3. Framolekene 13
3. Gneist sin inne-karusell 13
5. Fanalekene 12
6. Hopp-KM 10

Hoppstemnet på Ytrebygda skole går føre seg ei kort stund ein fredagskveld i februar. Dette stemnet er likevel uhyre viktig i poengplukkinga. Heile 17 av hoppnoteringane i lagserien er altså herifrå. I denne samanhengen er det heilt utvilsamt at dette er eit viktig stemne. Det same kan seiast om Gneist sin innekarusell i Høiehallen (13 noteringar), som vel no blir erstatta av arrangement i Leikvanghallen, og deltakinga i KM i hopp utan tilløp - sist arrangert i Laksevåghallen tidleg i januar månad. Totalt finst det altså 40 noteringar frå desse tre typane arrangement, som der og då nok blir opplevd som ok treningskonkurransar og avbrot frå den lange treningane fram mot utesesong.

Dette er oversikten i kast:


1. Gneist sine kaststemne 15
2. KM/Gneistspelen 13
3. Fanalekene 9
4. Stordleikane 6
5. Framolekene 3
5. Tyrvinglekene 3

Her er det, naturlegvis, eitt viktig poeng å henta, nemleg at utan Gneist sine eigne to kaststemne - 15. september og 30. september - ville poengfangsten i kast vore svært tynn. I lagserie-samanheng er det tenkeleg at desse to stemna åleine kan ha vore heilt avgjerande for topp-/pallplassering for Gneist-lag.

Heime best

Det er mange løgne oversikter ein kan laga, no i mellomsesongen. Ein av dei er denne: Kor har utøvarane våre plukka poenga sine i 2011? Kor er persar og bestenoteringar, som blir gjeldande i Lagserien, prestert?

Svaret er eintydig: Heime på Fana Stadion. Det er der - eller her - fleirtalet av bestenoteringar er sett. Det er jo ikkje så løye, sidan det er størst deltaking her.

Oversikten gjeld altså dei noteringane som er med på dei til saman 8 (fire for kvart kjønn) laga i Lagserien for Gneist i 2011.

Framolekene er det stemnet flest bestenoteringar er i frå, til saman 47.

KM/Gneistspelen er ein god nr. to, med 40 noteringar.

Litt overraskande, kan henda, så er Fanalekene, nr. tre med 38 noteringar

Og Bergenslekene, med totalt 24 noteringar, følgjer deretter.

På femte kjem stemnet borte frå Fana Stadion med flest noteringar, nemleg Tyrvinglekene, der jo Gneist også var nest beste klubb i 2011. 21 av noteringane i Lagserien i 2011 er frå Tyrving.

Bak der igjen kjem Stordleikane, med totalt 20 noteringar.

Bak desse tala er det interessante skilnader etter øvingstypar, det kjem eg tilbake til. Men det er også skilnader i totaloversikten etter kjønn:

Medan jentene har flest noteringar frå Framo, så er det KM/Gneistspelen som klart har flest noteringar for gutane.

Ein første konklusjon: Gneist har klart å mobilisera svært godt på dei lokale stemna med utgangspunkt i Fana Stadion, men har også gode kontingentar med på sentrale stemne andre stader. Her er Stordleikane og Tyrvinglekene i ei særstilling, med Världsungdomsspelen i Göteborg bak der igjen.

Det finst eit par andre særs viktige, lokale, stemne i denne oversikten. Det får bli tema for neste innlegg.

Ny frisk

Aaaaaah.....

I eit par veker har det vore skjegget vokse, håret gror, føtene gror gjøno joggesko...

No har Bloggen stussa skjegget, joggeskoa er nye med friske fargar og det er i alle fall lagt ein plan for å letta på hårmanken.

Alt dette har jo skjedd parallelt med at ungdommane har hatt treningsfri. Ingenting er tilfeldig. Lite trening, lite konkurransar, lite statistikkføring, sjølv om det flyter inn ei og anna liste frå her og der framleis.

Spesielt er kastarane enno i gang på banar, i Oppegård, på Spikkestad, i Sandane - og på Fana Stadion. Seinast var Gneist sitt kastalibi Gjert Høie Sjursen (G11) med på Norna-Salhus sitt stemne søndag og slengte i veg 3 kilos-slegga til 20,27 - noko som er ti meter (!) lengre enn den gamle klubbrekorden med denne vekta. Gjert har jo sjølv rekorden med standardslegga - 2kg - i årsklassen.

Løparane har teke til å gampa, men er mindre enn to veker unna konkurransegamping langs Flyplassveien i årets vinterkarusell. Vel, førebels melder yr om ufattelege 11 grader og full sol i siste veka av oktober...

Zzzzzzzz

Bloggen er på haustferie.

Bloggen har treningspause.

Bloggen er sliten.

Fram og tilbake i kast

Ok, eit siste besøk i Lagserien no, før me kjem grundig tilbake til den når resultata er offisielle. Her skal endringar for førstelaga til jentene og gutane frå 2010 til 2011 analyserast.

For jenter er det slik at 50 noteringar tel med i Elitedivisjonen, fordelt slik:
- 20 løp/gang
- 5 hekk
- 15 hopp
- 10 kast

(La oss med ein gong slå fast at Gneist ikkje har nokon kappgang-noteringar med i serien...)

* For løp ligg ein eit bittelite hakk betre an enn i 2010: førebels prognose er + 193 poeng
* I hekk/hinder var det endå fleire toppar i 2010. Her fortel prognosen om - 208 poeng
* I hopp er skilnaden frå 2010 svært liten: - 86 poeng
* I kast er det derimot ein ganske vesentleg skilnad. For det første har jentene berre registrert 19 kast totalt i serien i 2011, mot 29 i 2010. For det andre er verdien av dei ti beste kasta - altså dei som tel for 1. laget - gått ned ganske betrakteleg. Prognosen fortel: - 920 poeng

Konklusjonen er enkel for jentene: Gneist er i høgste grad framleis ein løpsklubb (inkludert hekk/hinder), supplert med solide hoppresultat, men ligg - i samanlikning - langt etter i kast.

For gutane sin elitedivisjon er det til saman 60 noteringar som gjeld, fordelt slik:
- 24 løp/gang
- 6 hekk
- 18 hopp
- 12 kast

(og gutane er i endå mindre grad kappgjengarar enn jentene)

* Gutane hadde faktisk endå betre resultat i løp i 2010 enn i 2011 ("faktisk", fordi totalresultatet er - som nemnt i Bloggen går - betre). Prognosen seier: - 258 poeng
* Også i hekk/hinder er det ein nedgang, men rettnok liten: - 72 poeng
* I hopp, derimot, er det grei framgang: + 633 poeng
* Og i kast dreg Gjert Høie Sjursen fleire med seg i 2011. Her er det slik at oversikten pr. no fortel at alle som bidreg med kastresultat på 1. laget er fødde enten i 2000 eller 2001! Prognosen fortel: + 645 poeng

Det betyr at for gutane er det slik at det er hopp og kast som bidreg til den store totale framgangen, medan løp er nokolunde stabilt.

Lagserien - 1. prognose

Ja da, eg veit eg må ta det med ro i svingane, no når me er  komne til den tida på året at galne statistikarar ikkje snakkar om anna enn denne "Lagserien".

Igjen: Friidrett er - med eit par-tre småunntak - ein individuell idrett. Når så sesongen er slutt gjer ein den likevel om med eit lagfokus. Me snakkar i denne samaheng om Hordaland Friidrettskrets. For 10- 19 år skjer dette slik:

Dei beste resultata etter Tyrvingtabellen for kvar enkelt utøvar gjeld. Det vil altså seia at ein utøvar berre kan ha eitt resultat med i ei enkeltøving, men kan vera representert med ei rekkje ulike øvingar.

Kvar klubb kan melda på fleire lag i serien. Dei individuelle resultata blir omgjort til del av eit lag. Ein har på førehand bestemt kor mange resultat som tel i kvar øvingsgrein (løp/hekk/hopp/kast) i kvar divisjon. Dei enkelte laga har si plassering i divisjonar basert på fjorårsresultat. (Talet på resultat pr. øvingsgrein pr. divisjon kjem eg tilbake til - etter kvart.)

Fristen for innsending av serieresultat er 20. oktober. Så tar det ein del veker deretter før resultata blir offentlegjort. Gneist vann jenteserien i fjor og blei nr. 2 i guteserien, men Gneist har fire lag for kvart kjønn og alle laga gjorde det glitrande i fjor, slik at Gneist stiller med to lag i Elitedivisjonen både for gutar og jenter i 2011.

Elitedivisjonen har åtte lag, 1. til 4. divisjon har ti lag. (Resten, under der, er i 5. divisjon.)

Basert på ein aller første gjennomgang - og berre basert på Gneist sine resultat - kan ein slå fast følgjande:

GUTAR:
* 1. laget i Elitedivisjonen ligg ca. 1000 poeng betre an enn i 2010, då ein enda på 2. plass. Den førebelse poengsummen er betre enn vinnarsummen til Norna-Salhus i fjor.
* 2. laget rykka opp til Eliten frå 1. divisjon i fjor. Poengsummen så langt kan tilseia at 2. laget klarer å halda på plassen i Elitedivisjonen, slik at me også får to lag der i 2012.
* 3. laget vann 2. divisjon og rykte opp i 1. divisjon i fjor. Poengsummen så langt viser at 3. laget vil vera på "øvre halvdel" i 1. divisjon og ikkje svært langt unna endå eit opprykk.
* 4. laget vann 4. divisjon i fjor og rykte opp i 3. divisjon. Poengsummen så langt ville halde til ein 2. plass - opprykksplass - i 3. divisjon i fjor.

Alt i alt ser det altså uhyre sterkt ut på gutesida!

JENTER
* 1. laget har mykje å forsvara, det vann altså Elitedivisjonen i 2010. Her ligg bestelaget ca. 1000 poeng bak fjorårspoengsummen, slik at sigeren kan bli tung å forsvara.
* 2. laget rykte opp frå 1. divisjon til Eliten i fjor. Basert på fjorårstala kan det blir nedrykk igjen i år, men her ligg det og vippar.
* 3. laget tok ein sterk 3. plass - like under opprykksplass - i 2. divisjon i fjor. I år ligg også dette laget noko bak skjema og plasserer seg rundt midten i 2. divisjon.
* 4. laget blei så nr. 4 i 3. divisjon i 2010. Det laget ligg ca. 400 poeng betre an enn i fjor, men kjem til å hamna rundt same staden som i fjor - trygt rundt midten i 3. divisjon, altså.

Fleire av laga mellom jentene ligg altså og vippar her, så dette blir spennande.

Her er interessante utviklingstrekk også mellom øvingsgreinene frå 2010 til 2011. Meir om dette følgjer.

Vindstille

Me er inne i ein etter måten stille periode. Eldstemann nytta i ettermiddag sjansen og prøvde - i lag med Andreas Iden, som er tilbake i full trening - den nye hallen på Leikvang. Rapporten er kort og grei: Dette var gode greier - og hallen var "betre enn på Ranheim". Jaja, den på Leikvang er no eit heilt år nyare, så det skulle berre mangla. Einaste irritasjonsmomentet er at ein har plassert den i utkant-Bergen.

Vindstille var det i alle fall inne i hallen. Det var det visstnok også under UM/NM i mangekamp i Trondheim andre helga i september. Det var då - som rapportert tidlegare -  Marianne Benserud (J16) vann sølv i sjukamp. Men som statistikar har eg teke resultatlistene frå Trondheim med ei klype salt. Absolutt alle vindmålingar er oppgitt med 0,0. Og det...

I tre veker har eg etterlyst meir informasjon om vindmålingane, men trønderar og fart...

Vel, vel, til så lenge får me presentera følgjande nye prestasjonar frå Marianne sin sjukamp:

- Ho sprang 100 meter hekk (76,2) på 17,48
- Ho betra kulenoteringa si til 7,58 (gir 613 tyrvingpoeng, som er ganske høgt plassert mellom Gneist-jentene i kast i år)
- Ho fekk 17,71 i spyd (175 tyrvingpoeng)
- Og ho kom i mål på 2:53,60 på 800 meter (436 poeng)

Til saman fekk ho så 3277 poeng i sjølve mangekampen. Mangekamp-resultat før og no er nesten like umuleg å måla opp mot kvarandre som spydkast med diverse spydtypar, men me er såpass informerte om tidlegare prestasjonar at me vågar å seia at Marianne sin prestasjon er ny klubbrekord i J16.

Juni 2012 - ei oppdatering

Då er ei viktig stadfesting komen på plass for terminlista neste sommar: Veidekkelekene på Lillehammer har falle ned på å halda fram som før; både med fire dagar og med den vanlege helga si. Då kan me nokolunde trygt slå fast at juni månad i 2012 vil ha følgjande hovudingrediensar:

31. mai - 3. juni: Framolekene. Fana Stadion.

9. - 10. juni: Stor-KM. Sannsynlegvis Fana Stadion. Dette har dei siste åra vore KM frå og med 15 år og oppover. I så fall så er denne helga "ledig" for tilbod til dei yngre, førebels.

15. - 17. juni: Tyrvinglekene. Nadderud Stadion. (Her er det faktisk endå eit viktig atterhald: Stabæk Fotball - altså elitelaget til Stabæk - vil mulegeins flytta tilbake til Nadderud frå Telenor Arena i 2012-sesongen. Dermed vil terminlista for Eliteserien i fotball kunna ha innverknad her. På den andre sida har fotballen sannsynlegvis EM-pause dei aktuelle helgene i juni)

21. -24. juni. Veidekkelekene, Lillehammer

30. juni - 1. juli. Ulvikaleikane. Dette har dei siste åra vore Strandebarm IL og Hardanger Friidrettsfestival si faste helg. No ligg det førebels an til at stemnet lenger inne i Hardanger overtar og at Strandebarm flyttar sitt arrangement til helga etter.

Og dette - 29. juni - 1. juli - er altså også helga til Världsungdomsspelen i Göteborg

Terminlistenytt II

Denne vinteren blir altså særs spennande, med splitter ny hall på Leikvang. Familiens utsende skal ut og studera vidunderet tirsdag. Me ventar spente på rapport.

Spennande blir det også å få fullstendig oversikt over tilbodet av stemne innomhus, når det blir klart i samband med terminlistemøtet i Kretsen 26. oktober. Førebels er det bebuda stemne i regi av Norna-Salhus 7. - 9. januar og det første kretsmesterskapet innomhus siste helga i januar. Gneist planlegg også eit større stemne på Leikvang.

Terminlistemøtet 26. oktober skal også ta opp utandørssesongen 2012. Her er det ein del omsyn som skal takast, og det er positivt at ein prøver få oversikten såpass tidleg. Sist sesong blei terminlistemøtet halde i januar månad.

Hovdingleikane går til vanleg tidleg i mai og kjem truleg 5/5 neste år. (Då er det konfirmasjonsleikar her i huset...) Laksevåglekene hadde jo ein ikkje-planlagt pause i 2011, førebels står det "12.mai" i oversikten for desse leikane neste år. Det er same dagen som Holmenkollstafetten, så søndagen vil nok vera eit kjekkare alternativ. 

Me kan nok ta for gitt at Framolekene kjem på si vante helg, 31. mai - 3. juni. Meir usikkert er det elles i juni: Tyrvinglekene blei flytta vekk frå si vanlege helg i år, fordi den fall saman med pinsa, men no går signala i retning av at ein i Tyving vil halda på si "nye" helg, slik at det i så fall blir 15. - 17. juni. Veidekkelekene på Lillehammer er i skrivande stund framleis i diskusjon med seg sjølv om endeleg plassering neste år, sjølv om den førebelse terminlista fortel om 21. - 24. juni. Som nemnt tidlegare har ein vurdert på Lillehammer å korta ned til tre dagar og i så fall også flytta arrangementet til den gamle Tyrving-helga (8. - 10. juni). Tipset mitt går likevel på at Veidekke blir verande på St. Hans-helga. I så fall blir det truleg Stor-KM her lokalt 9.-10. juni.

Junior-NM går i Sigdal siste helga i juli (27. -29.). Det er éi veke tidlegare enn vanleg. Årsak: Sommar-OL i London første del av august. UM på Askøy går 31. august - 2. september. Gneistspelen er sett opp førebels 25. - 26. august. Det er jo ei fin helg, men det er muleg at NCC-lekene for 13- og 14-åringar blir plassert same helga og då blir ho mindre fin. Alternativ plassering for NCC-lekene er 8.-9. september. (Eg registrerer at Kretsen opererer med 1. - 2. september som førebels helg for NCC-lekene, men eg tar for gitt at desse regionale leikane ikkje går samtidig med Ungdomsmesterskapet på Ravnanger.)

Her er naturlegvis endå fleire stemne, men her er såpass mykje usikkert enno at det får me venta med.

Få, men viktige kastpoeng

Årets aller siste Gneist-stemne inneheldt kulestøt og slengball-kasting på Fana Stadion fredag kveld. Dette var eit stemne for 10- 12- åringar og det å plukka gode seriepoeng var eitt av formåla. Gneist er jo, som kjent, i toppen  både i løp og hopp, medan kast-nivået er eit par-tre hakk under der. I lagserien ville Gneist ha dominert fullstendig med endå betre kast-resultat.

Så er det eit anna spørsmål om Gneist kan og vil satsa like sterkt i alle øvingskategoriar. I prinsippet er det ønskeleg. På den andre sida må ei slik brei satsing vera del av ein strategisk plan over tid og ikkje av tilfeldige skippertak eller av tidsavgrensa kompetanse.

Det var i praksis to utøvarar som bidrog direkte med kast-resultat fredag (i tillegg til eit par rekruttar og kast-einar Gjert Høie Sjursen (G11), som hadde endå betre kast frå tidlegare):

Hans-Magnus Haukøy (G10)
- 17,44 i slengball. Det gir heile 875 tyrvingpoeng og er 8. beste kastresultatet for gutar i Gneist i 2011.
- 5,60 i kule. Det gir 754 poeng.

André Jensen Ryland (G11)
- 15,23 i slengball (646 poeng)
- 5,20 i kule (490 poeng)

Veldig tidleg terminliste"nytt"

Ja, det er så tidleg og så lite nytt at det må vera "nytt", altså i hermeteikn. Eg snakkar no ikkje om innomhus-terminlista - som heller ikkje er klar - der det er godt håp  om spennande arrangement i den splitter nye Leikvang-hallen (open for trening frå og med mandag). Eg snakkar om neste utesesong.

Juni månad er jo ein månad for reising, det er berre spørsmål om kor og når. Først ei melding til Hordaland Friidrettskrets: Det bør vera (kanskje til og med god) plass til stor-KM i juni månad igjen i 2012.

Veidekke-lekene på Lillehammer har tradisjonelt gått over fire dagar rundt St. Hans - ofte har dei begynt før skulane (i alle fall her vestpå) har teke ferie og blitt avlsutta i første feriehelga. No syslar lillehamringane med planar om å flytta stemnet så tidleg som til 8. - 10. juni - og altså gjera det til eit tredagarsstemne. Dette er ikkje avgjort, men det er spennande planar. Det plasserer i så fall stemnet mellom Framo her lokalt og Tyrvinglekene. Eit konkret problem for Veidekke er at 8. - 10. juni vil kollidera med Donald Duck-stemnet på Bislett, i samband med Bislett Games 7. juni. Dette kan nok vera ein effektiv stoppar for planane.

Skulle denne endringa likevel finna stad, vil altså helga 22. -24. juni vera heilt ledig og fri (igjen).

... To be contiuned...

Årets mest framgangsrike 2011 pr. 29. september

Då er me neste ferdige med 2011-sesongen. Det gjenstår truleg nokre få resultat før me skrur igjen og avsluttar, men det aller meste er i boks. Statistikaren skal i ledige stundar kladda ein første oversikt til Lagserien - der Gneist gjorde det solid i fjor. Før det kjem ein nest-siste - og altså nesten fullstendig - oversikt over "Årets mest framgangsrike 2011". Denne versjonen inneheld 5 namn pr. kjønn pr. øvingskategori - men i to avdelingar; ei avdeling for alle og ei avdeling for dei som ikkje har oppnådd medlemskap i 1000 poengs-klubben.

Slik ser det ut pr. no:

JENTER
Løp - alle
Silje Stenersen, Anna Evensen, Maria Tyssebotn Berg, Charlotte Harris, Cathrine Harris
Løp under 1000 poeng
Silje Stenersen, Maria Tyssebotn Berg, Charlotte Harris, Cathrine Harris, Anna Serine Røssland

Hopp - alle
Synne Våge Opheim, Anna Evensen, Nora Ø. Aarvik, Cathrine Harris, Maria Jensen
Hopp under 1000 poeng
Synne Våge Opheim, Maria Jensen, Sanne L. Christensen, Silje Stenersen, Vilde Lund Bjørnsen

Kast - alle (ingen over 1000 poeng)
Maria Tyssebotn Berg, Cathrine Harris, Renate Lie, Monika Benserud, Maren H. Lillefosse

GUTAR
Løp  - alle
Kristoffer Blücher, Eirik Leikvoll, Stian Norheim, Espen Bjørndal, Herman Hovland
Løp under 1000 poeng
Eirik Leikvoll, Stian Norheim, Espen Bjørndal, Herman Hovland, Håvard Opheim

Hopp - alle
Erlend Biskopshavn, Kristoffer Blücher, Eirik Leikvoll, Magnus Leikvoll, Thomas Blücher
Hopp under 1000 poeng
Erlend Biskopshavn, Eirik Leikvoll, Magnus Leikvoll, Thomas Blücher, Håvard Opheim

Kast - alle
Amund Høie Sjursen, Gjert Høie Sjursen, Henrik B. Ettrup, Emil E. Holm, Kristoffer Blücher
Kast under 1000 poeng
Amund Høie Sjursen, Henrik B. Ettrup, Emil E. Holm, Kristoffer Blücher, Magnus Leikvoll

Frå tusen til ti tusen

Det blei mykje springing den siste onsdagskvelden i september, slik tradisjonen tilseier. På Fana Stadion gjekk altså Gneist sitt eige løpsstemne av stabelen. Her kom det særleg mange gode prestasjonar på 1000 meter, men også litt av kvart anna.

Emil Engelsen Holm (G14) noterte seg for 10,94 på 80 meter, som skal vera ny klubbrekord.

På 1000 meter sletta Silje Stenersen (J11) den gamle 1000 meter-rekroden til Renate Lie, sett under tilsvarande stemne i 2009, til gagns. Silje si tid blei 3:19,94. Gamlerekorden var på 3:33,28. Til gjengjeld sprang Renate Lie (J13) eit nytt godt 1000 meter-løp denne gongen, på 3:11,99, som er ny klubbrekord i denne årsklassen.

Fanalekene har no sendt inn sine resultatlister offisielt, og dei viser at det brått er blitt for mykje vind i eit ikkje uvesentleg 100 meter-heat. Det var heatet der Sondre Rinde (G13) sprang på sterke 12,82. No er vinden justert frå +0,6 til + 2,4 og dermed er 13,06 Sondre si bestetid på distansen med godkjent vind framleis. Det betyr også at Torgeir Hasås held på sin klubbrekord frå 1997. I kveld var Sondre på seriestemne i Arna og prøvde seg på nytt. Denne gongen var vinden 1,1 imot og Sondre blei klokka inn på 13,23.

Til gjengjeld sprang Jørgen Jensen Axelsen 100 gongar så langt og vann 10 000 meter på 34:37,79. Det gir 941 tyrvingpoeng og er klubbrekord i G18. Dette var elles den tredje 10 000-meteren i kretsen denne sesongen - alle tre i løpet av dei siste åtte dagane.

40 meter

Rett skal vera rett, så får det ikkje vera så nøye med det andre.

Dagen etter at mange - både i rett og i "feil" alder - sprang 40 meter under sesongens siste Norna-karusell på Fana Stadion sist onsdag, så tok brørne Rinde (og rekrutt Tobias Allers-Hansen) turen til Leikvang Stadion der nord i bydn.

Det var fine løp på dei andre også, men viktigast i ein statistikk-samanheng og for å vera oppdatert og kompletterande: Sondre Rinde (G13) betra sin dagsgamle pers og klubbrekord på 40 meter, under den fjerde Hovding-ruletten, då han sprang på 5,80 (i 1,4 m/s motvind). Det var nøyaktig eitt tidel betre enn dagen før.

So e da nemnt.

Stemnerekordar

Ein kan seia mykje forskjellig om Gneistspelen, men noko konsistent øvingsprogram er det synd å seia at me har hatt dei siste åra... Er det noko som i alle fall kan gje inntrykk av ein viss stil ved større stemne, så er det samlinga av stemnerekordar bak i programheftet: Det fortel om lange tradisjonar og klare og konsistente linjer. Det får me framleis lengta etter når det gjeld Gneistspelen.

I mellomtida får me gleda oss til tradisjonen Gneist sitt løpsstemne, som blir arrangert for 3. gong onsdag kveld. Her er det faktisk ein ganske god samanheng i øvingsprogrammet.

Her er stemnerekordane for øvingane som går i år!:

80m

J10 Nina Tveite, Fana 13,28 (30.9.09)

J11 Anita Norheim, Gneist 13,47 (30.9.09)

J12  Målfrid Pettersen Lunde, Os 11,88  (30.9.09)

J13 Vilde Lund Bjørnsen, Gneist 10,71 (30.9.09)

G10 Magnus Vonen, Varegg 12,82 (30.9.09)

G11 Henrik Gravdal, Gneist 11,81 (30.9.09)

G12  Jakop Kjellstad, Fana 13,17 (30.9.09)

G13 Jonas Gjesdal, Varegg 10,59 (30.9.09)

G14 Stefan Nautnes, Varegg 10,87 (30.9.09)

G15 Suthiphat Skare, Laksevåg 11,20 (30.9.09)

G16 Martin Vikse, Laksevåg 10,29 (30.9.09)

200m (første gong arrangert 2011)

600m

J11 Michelle F. Heggeland, Kalandseid 2:06,36 ( 29.9.10)

J13 Målfrid Pettersen Lunde, Os 1:55,03 (30.9.09)

J14 Paula Llano, Laksevåg 1:38,93 (30.9.09)

J16 Solveig Ohnstad, Laksevåg 1:44,03 (30.9.09)

J17 Solveig Ohnstad, Laksevåg  1:38,27 (29.9.10)

G11 Henrik Gravdal, Gneist 1:50,07 (30.9.09)

G12 Sondre Strøm, Laksevåg 2:02,13 (30.9.08)

G13  Aleksander Lie, Gneist 1:43,10 (30.9.09)

G14 Tom Skjæråsen, Varegg 1:36,48 (30.9.09)

G15 Brede Kristensen, Laksevåg 1:36,69 (29.9.10)

G16 Magnus Pettersen Lunde, Os 1:37,74 (30.9.09)

1000m

J11 Renate Lie, Gneist 3:33,28 (30.9.09)

J12 Renate Lie, Gneist 3:20,46 (29.9.10)

J13 Ingrid Næss Johansen, Fana 3:23,09 (29.9.10)

G11 Casper Stenersen, Gneist 3:17,70 (30.9.09)

G13 Jonas Gjesdal, Varegg 2:51,64 (30.9.09)

G14 Andreas Iden, Gneist 2:48,41 (30.9.09)

G15 Tom Skjæråsen, Varegg 2:52,02 (29.9.10)

G17 Magnus Pettersen Lunde, Os 2:59,85 (29.9.10)

3000m

MS Lars Nesbø Bakke, Fri  8:25,12 (29.9.10)

U23 Lars Nesbø Bakke, Fri 8.25,12 (29.9.10)

G18/19 Jaad Orten, Fri 9:03,30 (29.9.10)

G14 Alexander Meyer, Norna-Salhus 10:16,29 (29.9.10)

G15 Jørgen Tvedt, Norna-Salhus 9:15,74 (29.9.10)

G16 Bjørn Rusten Lundberg, Norna-Salhus 10:19,73 (29.9.10)

G17 Jørgen Jensen Axelsen, Gneist 9:14,10 (29.9.10)

MV35-39 Terje Simmenes, Osterøy 9:19,49 (29.9.10)

MV50-54 Brigt Strømmen, Fri 10:03,63 (29.9.10)

1500m hinder

J13 Anna Serine Røssland, Gneist 5:53,17 (29.9.10)

J15 Ragnhild Seim, Laksevåg 6:02,22 (29.9.10)

G13 Aleksander Lie, Gneist 4:59,86 (30.9.09)

G14 Ole Martin Røssland, Gneist 5:01,27 (30.9.09)

G15 Bjørn Rusten Lundberg, Norna-Salhus 5:39,23 (30.9.09)

Tidlegare er også 40m, 100m, 300m, 5000m og 400m hekk blitt arrangert.