fredag 27. juli 2012

I gang i eventyrland

Prestfoss/Vikersund: Junior-NM er godt i gang her i indre Buskerud. Dette med "eventyrland" var det arrangøren som tok opp under opningsseremonien i ettermiddag. Theodor Kittelsen, eventyrteiknaren, budde nemleg her ein stad og det er Kittelsen-museum i nærleiken. Men også veret var eventyraktig dag 1, sjølv om vinden var "feil" i lengde og sprint.

Og våre? Monika Benserud skaffa første medalje, då ho tok bronse i lengde med 5,53 (med god medvind).

Jørgen Jensen Axelsen og Andreas Iden leverte solide 5000 meter-løp: Jørgen sprang på 15:30,08 (969 tyrvingpoeng i G19) og Andreas persa med sju sekund til 15:43,71 (1009 tyrvingpoeng).

Og Anna Serine Røssland presterte, som ei av dei ytterst få, å persa under forsøka på 1500 meter. Nye bestetida er 5:07,23 (872 poeng).

I morgon, lørdag, seiest det at det skal bli "ekstremver" på Austlandet. Av og til betyr "ekstremver" på austlandsk ei lett vestlandsk byge, men me får no nett sjå...

Vilde Lund Bjørnsen og Martine Eikemo Borge (i høvesvis U20 og U23) skal springa 400 meter-finalar lørdag ettermiddag, etter solide forsøksheat fredag.

Ingen kommentarer:

Legg inn en kommentar